世界杯2022｜专栏: 日本「斗牛」非易事

世界杯小组赛第三轮比赛已开打，执笔时，A、B两组已确立最后出线资格。嚟紧十六强比赛，荷兰将会对阵美国，英格兰的对手则是塞内加尔。

而「死亡之组」E组嘅形势同样悬而未决，暂列榜首嘅西班牙阵中，三位同样来自巴塞嘅中场线表现令人相当惊喜，布斯基斯经验老到，伙拍年轻小将柏迪同埋加维，颇有当年沙维加恩尼斯达嘅影子。另外最令人跌眼镜嘅一定系锋线，费伦托利斯、马高阿辛斯奥同丹尼尔奥莫虽然喺球会未受重用，但嚟到国家队相当醒神！而且还有欧战经验丰富嘅艾华路莫拉达随时候命，为锋线提供变化。

狂牛兵团喺最后一场小组赛将会面对日本，日本喺上场不敌哥斯达黎加，直接断送咗出线大好形势，领队森保一喺用人选择上难辞其咎，对比起西班牙教练安历基更加高下立见。

由于西班牙嚟紧只需要一分就可以确保出线资格，所以赛前就有人担心佢会「放水」畀日本。但安历基已表明会强阵出击，以全取三分为目标确保首名出线，相信日本就算想从西班牙手上拎一分亦绝非易事。- 球乐