世界杯2022｜专栏：英美未必大手交易

执笔时刚好睇完一场荡气回肠嘅E组大战，日本队以二以一反胜德国取得小组赛首胜。继日前沙特阿拉伯同样以二比一反胜阿根廷之后，再次上映大衞击倒歌利亚嘅好戏。

嚟紧世界杯小组赛第二轮亦即将上演，英格兰将会喺星期五晚上三时（星期六凌晨）迎战美国。三狮军团喺首战以6:2轻取伊朗，表现尽显皇者霸气，布卡约沙卡、努基梳尔，甚至哈利马古尼亦表现出优秀嘅比赛状态，后备上阵嘅菲尔科顿同拉舒福特亦表现抢镜，后者更取得士哥，显示咗佢地嘅阵容深度。

美国虽然喺对威尔斯的比赛末段被一比一逼和，但表现绝对唔失礼，体力化的踢法令威尔斯众将疲于奔命，不惜气力奔走嘅首推两闸安东尼罗宾逊同达斯，而前锋线上有一代名将佐治韦亚之子添莫菲韦亚，佢取得嘅入球尽显其灵敏触觉。

「美国队长」基斯甸普列锡亦交出与球会自截然不同的表现。然而，大军名单平均年龄只有二十五岁多，年轻球员未能控制留放系一贯通病，末段体能不足以致被对手逼和，吸收教训后表现有望更进一步，英格兰面对佢地应该唔会再次上演入球骚。球乐