清明节前禁对付入屋飞蛾？ 港女：阿妈话系阿爷返嚟探我哋｜Juicy叮
春回大地万物苏醒，昆虫活跃之时又恰巧碰上清明节，有港女近日在facebook讨论区发帖指「一到清明，阿妈见到昆虫就话系先人返嚟揾我哋……」，驱赶不得，她与胞姐便被飞蛾吓破胆，希望母亲能够「理智少少」。结果，有网民提供了一个两全其美又「安全」的活捉方法……
楼主原文指，「阿妈本身都几迷信，早几日有只都几大只嘅飞蛾飞咗入屋，之后系个厅上面盏灯飞咗好耐都唔肯走，因为我同家姐都几惊呢啲识得飞嘅昆虫，于是我就谂住去厕所拎起枝杀虫水一嘢喷死佢。点知阿妈就叫我千祈唔好咁做，仲话呢d昆虫一到大时大节飞入屋，肯定系你个爷爷返嚟揾我哋，仲叫千祈唔好喷死佢，如果唔系到时清明去拜山对d祖先真系大不敬咁话……」
楼主原文及网民回应：
楼主续称「呢个时候家姐已经惊到癫咗仲要冲埋入房，阿妈叫我哋由得佢系度飞咪算囉，仲话佢真系唔肯走嘅就拎个拍赶佢走算啦。听到呢句我真系搲晒头，如果日日都有昆虫飞入屋，系咪全部都系我哋d阿爷同阿公返嚟探我哋？最后我哋睇住只嘢系个厅度飞咗成晚佢终于都肯飞走，但系真心觉得阿妈好迷信，真心想问可唔可以理智少少？」
有回应的网民附和楼主母亲大人看法，指「宁可信其有」、「每年拜山嘅时候，老人家都系咁讲」；有人还讲及自身经历，「我屋企从来冇飞蛾入屋，我家姐结婚果晚系唯一一次。阿妈话系阿婆。信不信自己决定」。
另有网友则指「当然要顺从妈妈的意思，不过佢有佢信，你有你不信。而我当然系唔信喇」、「以佢嘅逻辑，仙人成游魂野鬼，冇得轮回」。有人则反问「屋企成日都有蚊有曱甴，系咪唔好理佢？」、「如果有只大曱甴入屋咁点？」。
最终有精明网民提供了个两全其美又「安全」的活捉方法——「其实，任何冇谓杀生，可免则免。多，冇计。少，用胶袋捉到，放生」。
帖文来源：香港讨论区
相关新闻：
清明扫墓高峰期曾咀化宝需预约轮筹 网民：香港变排队港【附预约步骤】
相关新闻：
清明节热议「拜完山啲嘢唔拎返屋企食」 网民咁讲一听即明
相关新闻：
斗早扫墓？ 周日打蛇饼等车入曾咀 提早几星期拜山网民知点解……
同场加映：
慈云山蝙蝠倒挂铁闸 网民神预言：呢家人会发达
慈云山一名街坊回家时，惊见家门铁闸外倒挂一只怀疑蝙蝠，网民即时叫好，齐贺「福临门」。但也有被吓坏的网民不相信自己眼睛，指「Halloween啲蝙蝠公仔嚟㗎咋」。
蝙蝠倒挂铁闸实况级网民回应：
夜归的楼主日前在「慈云山资讯交流」facebook专页上载相片，并留言「喺门口好大只蝙蝠」，不过「一行过去佢就飞走」。
事件获网民高度关注，并群起恭贺，指此乃真正「福到」的吉兆，是「福临门」，并预言「呢家人会发达」、「好嘢嚟㗎，依家人一定有运到」，但提醒「牠走左之后要消毒铁闸，因为蝙蝠身体带有多种病菌，小心为上」。
另有网民被蝙蝠吓到，指「咁恐怖」，并建议请「保安上来捉咗佢」，或「用扫把拨走佢」。更有网民不相信自己的眼睛，指「Halloween啲蝙蝠公仔嚟㗎咋，咁恐怖行过会唔会惊动到佢㗎」，有回应则指「俾佢咬一啖，系咪真系会变蝙蝠侠？」
不过，有网民质疑「会唔会系大飞蛾，细个见唔小，大过手掌，蝙蝠正常唔会飞来住宅，同咁光地方」，楼主则回应「蝙蝠同飞蛾都分唔清咩」。
帖文来源：慈云山资讯交流
同场加映：
酒楼老火汤舀到「洗碗布」 饮完煲底惊骇现身 酒楼居然「咁样兜」
有广州网民全家到一间酒楼食晚饭，叫了一大煲老火汤，饮到煲底，汤中惊骇地浮现一大块「洗碗布」，食客即时反胃呕吐大作。
点解汤煲内有「洗碗布」？酒楼主管稍后到来，面对质询，谁料居然「咁样兜」，令食客怒上加怒。事件发生在上周六（18日）下午，事件在网上引发热议。
老火汤惊现「洗碗布」 酒楼居然「咁样兜」（足本字幕版）↓↓↓↓
网民对事件议论纷纷：「亏经理还能说出这样的道理，好像整件事都很合理？食客发现洗碗布才不合理？」「这个是道歉的态度？」「加料不加价。」「比吃出老鼠还恶心。」「起码10年都有阴影。」「名副其实的刷锅水。」
—