做4年保安散工储到100万 网民：事在人为 储$20833 x 48月｜Juicy叮
有网民在facebook讨论区转载图片讲述储钱故事，指有人4年无当长工，做保安散工也储到100万元，引起网友热烈估计对方如何积小成多变百万富翁。
相片中见到本月11日做半年定期的银行单，存款为1000000元，利率5.25厘，7月到期时的利息为26034.24大元。数口精的网民连随计数，指「4年储100万，即一年25万，一个月2万」、「30日，佢星期六日做埋，一日揾八旧」、「如果净储100万，每月唔食唔住要储20833元x48月，咁炒散+保安应该要接近35000元先生活到」、「如果你话你住屋企食屋企，揾25000元一个储20000元洗5000元，好好恒心储4年，都好勉强讲得通」。
有人续指「一年储25万，当佢系公屋仔好悭洗，一年要揾35万先围到皮，一系每日烟驳烟咁返两份先至有咁嘅可能……但好肯定咁返法一定辛苦过做长工」、「返两份保安，24小时赚钱」。
100万元定存单及网民回应：
有网友仔细计算，「如果佢2000蚊真系一个月嘅都可以，佢储嘅起码系15000蚊以上一个月，4000蚊就系家用，当佢住公屋1500蚊租，水电煤全部夹埋700蚊，上网费300蚊，即系2500蚊，跟住行路返工，一日三餐1500蚊咁咪可以1个月储15000蚊」。
再有网民估计其生活细节，「住屋企畀2000元家用包埋佢食，每月基本支出主要咪车费电话上网费呢d，加埋呢几年疫情根本就无娱乐有咩出奇」，有人则提醒「炒散唔代表系兼职，分别只系工资计日薪，而家好兴经中介公司请人，中介公司网络大，真系可以日日有工开」、「都有可能嘅！同屋企人住，唔驶上缴，唔出街，唔拍拖」、「如果长期开足工，一个月储两万系有可能，最紧要忍到手放弃所有享乐」。因此有网友认为「做防疫保安是有可能」、「好多嘢事在人为，看更好处系仲可以屋企附近做，车钱都悭返」。
另有网民却带讽刺语气指，「仲要唔使食、唔使住、唔使搭车、唔使著衫添、4年无病无痛 ，「仲要唔使养老豆老母，过时过节唔使畀钱老豆老母，唔洗交税，无供保险」。说著，有网民则自爆储钱大计「我谂过㗎啦，去做夜更保安，朝早再做一份，夜晚再返大堂瞓觉，租都唔洗交。中午去公厕冲凉，朝早果份做饮食嘅，悭多两餐」。
见到如此好景，网民纷「求介绍」，问「边间公司咁好，我都转行啦」。不过有人错重点，反问「依家定期有5.25厘咁高？」。
帖文来源：香港单身狗关注组
同场加映：
隔离令撤销｜普通科门诊提供治疗 中招诊症安排一览
为配合政府由1月30日起撤销隔离令，医管局辖下各医疗单位加强服务，支援确诊病人。当中，所有普通科门诊均提供治疗，合适确诊病人可获处方新冠口服药物，遥距诊症服务则停止。当局特别照顾较高风险的确诊病人，包括长者、5岁或以下小童、怀孕28周或以上孕妇，及免疫力受抑制病人，每日获预留1000个诊症名额。市民另可向18区中医诊所暨教研中心及可处方新冠口服药的私家医生求诊。