【Kelly Online】太太遭起底 杨岳桥：搞错咗！

修例风波出现一股「起底潮」，其中警察在网上成为重点「招呼」对象，民主派人士也「领嘢」。近日有社交媒体专页将公民党立法会议员杨岳桥太太起底，话佢所做嘅律师行其实专门帮国企上市，批评杨岳桥一家人「老公反送中，老婆就北上努力赚人仔」，呼吁国企、港企杯葛佢公司咁话。不过杨岳桥昨日拍片反驳，话佢哋搞错咗喇！

据杨岳桥片中所讲，网民查到的是旧料，太太目前自己开律师楼，已经无帮国企搞上市。他又以民主党创党主席李柱铭都曾经帮过民建联前议员程介南为例，话专业律师不可以因为政治立场拣客，而喺商业社会里面，亦唔会有客理你系蓝定黄，只要你帮到手就得。

杨岳桥话，呢件事不会影响到太太同自己，因为太太全家都好支持自己，即使岳父是退休警务人员，其政治立场都系「好黄」，「佢哋无论六四、六九、六一二、六一六都有去。」杨岳桥又话，相信佢嘅支持者一定会明佢哋做紧咩。