蕭敬騰紅館開唱霆鋒向佐鬼馬力撐

蕭敬騰（老蕭）將於8月30及31日再度在紅館開騷，門票昨日公開發售。由於老蕭因忙於舉行巡唱而未能來港宣傳，故宣傳責任落在屢被指撞樣的「孖生兄弟」向佐身上，甘願做老蕭替身拍片宣傳。片中向佐以特別新聞報道形式宣布開騷事宜，更笑言除了邀得Lady Gaga及Justin bieber任嘉賓外，向佐未婚妻郭碧婷及爸爸「龍五」也會現身支持；有「雨神」之稱的老蕭則着大家記得帶雨傘睇騷，場面爆笑！其後二人換衫遙距合唱《新不了情》，期間老蕭的另一好兄弟謝霆鋒突然現身說：「哎！唔該你哋兩個唔好唱喇，如果想聽老蕭唱歌，梗係要去睇演唱會啦！」驚喜十足！

文：娛樂組

■與蕭敬騰撞樣的向佐（右）鬼馬拍片，為對方宣傳演唱會。

■霆鋒驚喜上鏡，籲大家睇蕭敬騰演唱會。