何柱國：政府機關勿「縮頭縮腦」

　　（星島日報報道）修例風波未有平息迹象，星島新聞集團主席、全國政協常委何柱國表示，現時未需要動用《緊急法》，認為相關機構政府部門未有盡責，「怕事唔做嘢」，若能全心合力為香港好，不「縮頭縮腦」，是毋須動用《緊急法》。他指反修例已演變成「奪權」運動，又指壹傳媒創辦人黎智英在此期間「玩政治」的手法「十分高明」。

　　何柱國昨日出席無線節目《講清講楚》談近日香港的政治風波，他指現階段毋須使用《緊急法》，最重要是「香港高官唔好再發夢」，機構和政府部門盡責。他提到機管局有禁制令控制局面，指私隱專員亦可以做很多工作，「你點可以俾人喺網絡上控制所有人的私隱，放喺網度呢？你點可以俾facebook、Google任寫，你唔可以警告咩？」

  他批評相關機構和政府部門現時均沒有盡其責任，「如果你有盡責任，全心合力為香港好，唔好縮頭縮腦，係唔需要行《緊急法》」，「係個班人無能，怕事唔做嘢咋嘛！」

  何柱國說，若實施《緊急法》，國際層面必定會感到奇怪，「點解香港和平社會，要行到呢一步？」，但認為此問題非香港本身問題，而是外國勢力打算利用香港作為「磨心」，想推翻內地政權，才導致此局面，「其實係反攻大陸、奪中國政權、要習近平落台問題」。他提到，中國現時成為經濟強國、世界第二大國，「（美國）就想打你、削弱你，搵各方面嚟打殘你，咁香港啱啱有呢個空間，佢就搵呢個空間打殘你」，「我係美國我都會咁做」，希望港人不要受美國、台灣所影響。

  何柱國續說，自己早已向特首林鄭月娥講述修例之弊，強調修例會令香港變作中美磨心，同時影響港美之間的安全協議及稅制，但「佢無聽我講，佢照樣去，到後來佢都接受咗意見，咪收返條例」。惟他重申，由林太當選至今仍然支持她施政，希望她能平息事件，並統率行會成員和官員，令他們「唔好再變廢柴」。

  對於民間五大訴求，何柱國指「已經回覆咗大部分」，包括港府已宣布條例壽終正寢，已沒有修例；沒有定性現時運動為暴動，律政司只是以罪行輕重，分類示威者是否觸犯暴動罪；另外已經透過監警會進行獨立調查，並尋覓外國專家參與。至於被捕人士是否應該撤銷檢控，他認為事件「去咗法庭嗰度，進入司法程序，睇法官點樣判」。

  反修例運動至今兩個多月，何柱國曾發表聲明反對暴力，到近日又發言剖析時局。被問到為何近日再發表評論，何柱國說，修例事件從來都是政治問題，「我一路等緊一樣嘢，就係等（壹傳媒創辦人）黎智英乜時候出嚟講，我就等佢出嚟講，所以我先開始發言，證明我的想法，（今次風波）係一個奪權問題，唔係修例問題」。他又說，自己對黎智英很尊重，「佢玩政治手段好高明，佢發表言論嘅時間，以及利用所有言論嘅方法，係好高明，所以我一直等佢出嚟講嘢。」