【黃庭桄專欄】神算定神棍？

我一位行年五十的朋友N，不幸患上末期惡疾，身邊不少朋友都熱心地介紹醫療方法，這個說馬上要食箭豬棗，那個建議去元朗睇隱世中醫，亦有人推介免疫細胞治療，活像八師會診，哪樣才能幫到自己續命？真的花多眼亂。

生命仿似到了窮途末路，人總會嘗試尋求玄學上的輔助，利用風水陣化去病劫，或者聽從高人指點，根據道家法門，做一些法事，以圖趨吉避凶。

在知道患病之後，朋友N大大話話幫襯了六個所謂高人，有些是內地靈媒，有些聲稱有天眼通的能力，有些是法科師傅，她不理好醜，亂石投林，統統登門求救。

靈媒言之鑿鑿指她的祖先在地府不安寧，沒有人好好拜祭，陰不安自然陽不樂，所以令她患病，必須要做一場大型法事去超度。

「幫襯靈媒，算一次命收五千元，做法事再收三萬元，咁就用咗幾萬元。」朋友N肉痛地說，另一個懂神通的師傅，又繪影繪聲告訴她，有幾個惡形惡相的冤親債主纏繞着她，必須燒大量金銀衣紙去招呼，咁又收六千大元。

「有個泰國師傅叫我戴一個佛牌傍身，因為開咗光，所以收我兩萬元，仲話已經計平咗畀我。」命仔緊要定金錢緊要？朋友N選擇了前者，「咁去幫襯得，對方叫做乜都要照做啦，除非唔信佢啫！」

如是者，睇了六個高人，在每人身上，平均花了五位數字，倒水咁倒。會不會畀人呃呢？絕對不排除這個可能性，總有些神棍，抓着病人怕死的心態，但求活命，多多錢都肯使，於是巧立名目呃得就呃。賺這些陰騭錢，肯定有報應。