【黃庭桄專欄】肥腩快活人

「喂！你明明話夏天到咗，要努力減肥，著三點式泳衣就會好睇啲，點解你仲拎住成包薯片係咁食？」
　　
對於好友S的減肥大業，我會投下不信任動議的一票。
　　
「口痕吖嘛！更何況呢隻黑松露薯片係新口味，真係好食到唔停得口，嘻嘻！」她邊說，邊伸出舌頭，把嘴角的薯片碎舔入口，食得唔好嘥。
　　
如果減肥是女人一生的事業，相信會有不少人長期失業。「減肥是要靠後天努力，那麼今天和明天，不就是可以盡情地大吃大喝，到了後天再算吧！」好友這個似是而非的笑話，有酒今朝醉，食在當下，也是開心的生活態度。
　　
食得是福，能夠飽餐一頓，嘗盡美食，這是一種福氣。想像一下，撕開大閘蟹的手手腳腳，吸吮香噴噴的蟹膏，黏口軟滑，再配一小杯話梅花雕，讓味蕾高潮迭起，吃得多麼痛快。
　　
即使簡單如一杯軟雪糕、一支波板糖，或在盛夏飲一杯西瓜沙冰，已是消暑樂事。如果每飲一杯凍飲，都要計算含糖量，每吃一份甜品，就去衡量脂肪比例和卡路里，還有人生樂趣嗎？
　　
肥又如何？開心行先！誰說肥人就是神憎鬼厭？誰會覺得肥人是一無是處？管它呢！想吃就吃，做一個開胃快活人，不要被磅數影響心情，健康便好。
　　
來吧！開多包薯片，斟返杯啤酒，大快朵頤。會有大肚腩嗎？最多咪下星期跑多幾公里囉！身形越來越似小海豹嗎？喜歡你的人，是不會介意的，就一起變胖，一起老去。