【黃庭桄專欄】開心生日宴

為了替余慕蓮預祝下星期二的生日，吳麗珠相當有心，特別宴請胡楓、譚倩紅、「十一哥」何國材和資深電視台公關大哥曾醒明等，濟濟一堂飲杯茶，食個壽桃包，開心一番。
　　
早到的譚倩紅，即《真情》裏的容姨，舉起茶杯，向胡楓打招呼，說聲「身體健康」，誰知鬼馬的他擰歪面，扮作聽不到，並搞鬼地向鄰座的「吉位」，高聲說：「飲茶啦！」令到容姨哭笑不得。
　　
「佢就係咁百厭！」十一哥笑著跟大家碰杯，老友難得聚頭，就是如此開開心心說說笑笑。
　　
「你知唔知道，我同修哥都係屬羊，我就係羊中間（1931年8月），佢係羊尾（1932年1月），我只係大佢幾個月。」容姨原來今年已經92歲，一點也看不出來，行動自如，精神奕奕，食得瞓得，心境開朗，常掛笑臉，這是長壽之道吧。
　　
余慕蓮亦大讚修哥老當益壯，唱歌跳舞唸對白，絕無生疏，記性又好，精力充沛，完全不似超過90歲的老人家。
　　
「因為我堅持咗幾十年，日日都行路，要行足一萬步。如果天氣唔許可出街，我就在大廳圍圈行。」修哥補充一句：「你千祈唔好話個廳太細，行唔到，幾細個圈都要照行，唔可以畀藉口自己懶去郁動啊！」
　　
修哥開心分享很多時在公園跟街坊的對話，「我見到好多公公婆婆喺度行圈，佢哋同我講：『修哥，係你教我哋㗎嘛，行得多對身體好，我哋咪跟住學囉！」
　　
年紀較輕的余慕蓮，行年86歲，切過生日蛋糕後，合十許願：「希望我哋個個都身體健康！」祝福長命百二歲！