【曾智华专栏】经济爆奢侈店谢

老友每月饭聚，交换最新江湖情报及各行业趋势，小弟能够足不出户而知天下事。

席中有大集团主席，一个月飞N次，环游全球，有传媒高层、有教育界管理人……也有呢度去𠮶度唱的歌星。

酒过三巡，集中「呻」的，仍是香港经济。个个觉得政府立场Line to Take是「死顶」，不过，似乎与真像有颇大落差。人人担心的，正是香港人的消费日渐弱鸡外，更有大量外流化。

型佬F先发言：「各位，以前我配眼镜，每副三千港元。如今，哈！搭转车上深圳，即变六百元，手工、型号、质素全部相同，点搞？」

歌星A接口：「我不停到内地巡回开骚，在中山早早买咗屋，自己揸车上落。个人大意，经常撞花车身及裙边，以前在香港入亲厂都要三几万元，如今？几大唔X香港整，中山遍地车厂，刚刚整完新嘅一样，三千蚊人仔找数。」

监制S依起棚牙：「各位，小弟最近在佛山做完种牙，上一只香港做，二万五。刚刚内地做，快靓正再送三次洗牙，八千五。」

终于轮到大主席发言：「各位使钱使得咁开心，连我老婆大人都系，日日上网睇淘宝买鲜花，个个咁，香港零售边有得做啊？财爷出嚟死顶，话明天会更好。但如今发债当收入，咁都得？即系走去碌卡提款当收入？唔使还？各位，我刚刚走咗转北京、上海及成都，昔日高消费场所，全部谢晒，已可反映整个中国的经济走向有几差。总之就似香港，两𩠌饭排晒大队，其他食肆则拍乌蝇。」

香港的整体消费趋势，中正政府早年不断提倡的「一小时生活圈」，弊在人哋咁平，我哋咁贵，有读过下经济理论者必知，当然是「平币驱逐贵币」啦。究竟我哋可以如何面对呢？定或继续埋头沙堆——我睇唔到、我睇唔到！