【曾智华专栏】方仔霸住「伸缩文」

国庆日贴士瘀爆，必须错就认，打就企定，锁你！小弟纯以「政治正确」贴马，畀「龙之辉」，谂住合晒当日气氛，点知临场睇，弊！票数唔多对路，即系……即系幕后人唔郁手囉。反之，只「美丽第一」打到2.2倍，摆明信心十足。结果，巴度又再做三级赛杀手，轻胜而回。

不过，呢场执到都冇味，Q派43元，对资深马迷嚟讲，蹝气！

近期马圈最抢眼现象之一，为方仔竟可霸住布文，而两个如鱼得水，不停赢马。

众所周知，当今边个马房想争霸，无法，都要码住「软硬鞭」潘顿。但因「历史关系」，方仔根本与潘顿绝缘，冇交易（想知点解，问马圈高人啦，一定好多故事）。咁要杀马点搞？徒弟何泽尧及陈嘉熙，随时可以用，不过……老老实实，若何泽尧不是遇上「金鎗六十」，成绩边有可能咁亮丽？事实何仔骑功根本未算顶级，靠佢杀马，唔多稳阵也。

布文不同，乃真真正正国际殿堂级，虽老老哋又重磅，但胜在经验丰富，阵上走位尺寸拿揑精确（当然，其「伸缩功」也好劲），只要在手有赢得的好马，会交得好准。

正因如此，今季方仔把心一横，全面与布文合作，赢得的畀晒佢O赵，徒弟仔只好靠边站，这也是马圈中发生的现实。

有咗方仔大量供应兼攞埋其他马房潘顿「食唔晒」的靓马，布文今季成绩必大大改善。方仔也一样，有机再争冠军，到底有边个练马师唔爱威？

明日赛事，我专研究一场，正是第十场二班全天候1650米。

买边只？游达荣全日只出的一只——「好好心得」！想睇佢功夫深度：此马已八岁，上季尾仍可于同程跑第二及第四，未尽。转到游厩，呢场尽地一煲格。我一W两P捧佢！