【曾智华专栏】「小刺蛋」踩氹唔算数

日前本栏赛马贴士只畀一只，就瓜一只，正是「小刺蛋」，但有睇直播皆知今次纯输意外，赛绩可以抹去。因为马匹跑咗二、三百米后，突然踩氹向前跪，呢下拗一拗，当然唔使再跑。

赛马结果有真有假，也会有意外，所以，记住记住记住，投注千祈唔好「瞓身」咁猪头。

另外，小弟提到的「德国班霸拜仁表演输」，也触动不少球迷（当然是落注一类）及资深球圈人士神经，纷纷在社交平台上回应。

最啜核为某一极资深球坛名人，留下一句：「唔输波，点出粮？」

其实人人皆知，任何大小球赛，一涉及赌博，「有需要」时就会「造波」。

呢类「造波」，若非离晒大谱或内藏天大丑闻，多数冇乜监管机构出声，只眼开，只眼闭。

事实有睇过Netflix纪录片者，都会知国际足协及欧洲足协根本是个「老鼠窦」，基本无王管，那班掌权大鳄唔上下其手就奇！

上者如此，去到球场上的球员，你想佢以「体育精神」出发，场场打真军？你系咪儍咗？

不过，万事总有条底线，若离谱到好似早前的中国足协及中超联咁，就真系必须「绳之于法」。

小弟也曾指出，一到欧联呢类唔衰得赛事，每队必立即回复「正常」，赛果自然合理。

果然，周中欧联全部强队「回魂」胜出，冇爆冷。所以，若投注，买欧联最易中、最易买餐𩠌！在未确定出线前，超级班霸点会放软手脚？未死过乎？黐线乎？

今日跑沙田，又有高班让磅赛「乐声杯」，千四米，蔡神仙及告仔各出一对，冠军由佢两个定！我二重彩会用「线路之星」及「红运帝王」行头，指定一、二位，再拖「美好世界」及「增有」做脚。

潘顿骑「大哥大」告仔马，极少有古灵精怪，想死乎？