【曾智华专栏】政府走「香港威威」大鸡

任何机构、城市、国家，都要提升士气，香港更百分百需要！所以，理应乜嘢大小威威都来个大锣大鼓！亚运攞铜牌，局长恭喜；攞银牌，司长恭喜；攞金牌，当然特首超哥开记者会恭喜！一于搞到特区好似日日有喜事，平衡一下负面新闻，尤其楼价跌、股市跌、出生率又跌⋯⋯
　　
正因如此，实在无法明白，点解香港马缔造历史纪录，「浪漫勇士」夺得世界顶级赛事「觉士盾」冠军，上周六、周日政府竟好似哑咗，声都唔声，一句恭喜都竟然冇！
　　
普通市民可能不明白，但马会以至负责旅游体育的杨润雄局长，理应深知这次并非赢场马咁简单，而是香港赛马运动，已能练出最犀利的国际顶级马王！
　　
非马迷在这方面「坐井观天」不奇，建议上网了解一下觉士盾在赛马世界几重要。而攞到冠军，是几无上的光荣。
　　
想知几深奥，易！翻睇赛事，欣赏一下澳洲骑师麦道朗如何在万分之一秒钟挥低对手！
　　
这个冠军重要性，在「运动界」，远比亚运、奥运金牌来得更珍贵。
　　
如今马会有两位大员谭志源及梁卓伟为前政府高层，趁热度未过，请超哥搞返个大型庆祝会啦。
　　
其实香港已经冇乜可以拍心口话——全世界我最威！如今捉到一瓣，岂可不瞓身大锣大鼓宣传，让香港市民提升少少士气？
　　
今晚快活谷，选择唔睇「软硬边」潘顿，因佢神出鬼没，赢出都冇味，嘥气。
　　
咁不如继续买「田鸡开饭」！田泰安必趁布文停赛尽赢。今晚「夫卜」，有几只可入位，最大机会W出为「英雄豪迈」及「木火同明」。后者为何良宝藏，今季散仓，郑俊伟接手，已两出一Q一P，离W不远矣！