【阿濃專欄】「點解你咁傻！」

阿靈和阿珠的對話：

靈：豬仔包，揀定未？

珠：揀乜嘢？

靈：老公。

珠：揀定啦！

靈：邊個？

珠：鄺世傑。

靈：點解你咁傻！我有冇聽錯？

珠：有乜唔妥？

靈：點解唔係文志強？

珠：點解要係佢？

靈：阿強學歷高，做緊見習律師；阿傑工業學院畢業，電工。

珠：都係一份工。

靈：阿強有車有樓，阿傑跟阿爸阿媽住公屋。

珠：我都係住公屋，有乜問題？

靈：阿強單身寡仔，可以享受二人世界。

珠：結婚之後我哋會搬出去住。

靈：阿強靚仔啲，阿傑好普通。

珠：靚仔盞令人擔心，我都好普通。

靈：咁你鍾意阿傑啲乜嘢？

珠：鍾意就係鍾意，唔使樣樣秤過。

靈：你呢啲叫盲目的愛情。

珠：我願意博一鋪。

靈：佢係唔係好愛你？

珠：有人追緊佢，樣樣都比我好，但係佢揀我。

靈：點解佢咁傻？

珠：或者我哋傻對傻。

靈：祝你哋傻人有傻福！