爱之深责之切为拯救港股尽一分绵力为港股献计 | 莫灏楠

港股：本地股企得住，ATM拖死大市

先讲大市。恒指年初至今 -5.8%，国指 -9.4%，科指 -23.7%。恒生35 +12.8%，系四个之中唯一正数。

主犯系ATM。阿里（9988）-26.4%，腾讯（0700）-29.9%，美团（3690）-31.8%。三只都系恒指、国指重磅股，科指跌咗两成几，大市点都企唔住。

本地股有钱入，所以本地股指数——恒生35 YTD都系升嘅。汇丰（0005）+24.5%，渣打（2888）+23.8%，中银香港（2388）+29.9%，创科（669）+45.9%。地产股方面，新地（0016）+12.9%，长实（1113）+15.3%，领展（0823）+6.1%。

要老实讲，唔系国际金融股齐齐升。友邦（1299）-13.9%，港交所（0388）-7.3%，恒地（0012）都 -8.0%。真正撑场嘅系银行股，唔系成个金融板块。

点解银行跑赢？银行息差跟全球利率走，部分收入喺香港以外，同内地平台经济关系细。

韩国靠两只记忆体股。KOSPI +61.5%，SK海力士 +164.7%，三星 +123.9%。三星市值大约1,763万亿韩圜，海力士大约1,225万亿，两只股升得远快过指数，带动作用好明显。

台湾同日本系成条电子产业链重估。台积电 +66.8%。日本方面，爱德万 +110.3%，东京电子 +82.1%，Disco +27.4%。测试同设备股都升，唔系得一两只。

欧洲一般般。富时100，DAX 单位数升幅。

中港垫底。上证 -3.2%，恒指 -5.8%，包尾。

排名一睇就明。韩国半导体 +139.0%，台湾科技 +83.2%，日本电器精密 +42.3%，美国XLK +40.8%，纳指100 +23.7%，科创50 +14.0%，TecDAX +13.2%。港科指 -23.7%，系唯一一个负数。

原因系成份唔同。其他地方嘅科技指数以晶片同硬件为主；恒生科技指数就以互联网平台、电商同本地生活为主，ATM就系例子。

今年资金追AI硬件，平台股食唔到呢一波。内地消费疲弱、平台之间卷得激烈，港股权重股嘅基本面，十只有九只有暗病，科指自然要跑输。

基本上港股今年前三季度，系全面跑输。同样系花钱买算力，美股七雄越洗钱越升，ATMXJ越洗钱越跌，拖累指数。选对战场好重要，就算你系吕布再世，帮曹操打赤壁都系要输，整定。

中国AI龙头monetize唔到，洗唔起钱，自然下面啲半导体、PCB、networking、SaaS就无盈利增长。入到国际AI产业链嘅公司数目有限，所以升黎升去都系𠮶几间公司，唔关ATM事。

适逢我地又无北水，而家美股一只SanDisk嘅成交都几乎等于港股成个成交。无成交，个个鸡金经理、Trader，You eye look me eye，都落唔到手，咁就转场，换美金换Yen￥。

狗讲两句，现时拯救恒生指数绝招：

1. 指数公司班友醒少少

2. 执过恒生指数计法同成分股

3. 恒生指数二合一（最有效方法）

不喜勿插，Sorli for 1999

元宇证券基金经理

莫灏楠