藥明康德強勢有兩個投資選擇｜唐牛

噚日講完個市冇北水都唔行，今日即刻彈畀你睇，雖然升得唔算多，但起碼唔使再無緣無故地跌。唔少人都問，點解個市突然間會彈，我只能夠答，早兩日大跌600點都冇原因，彈番少少按理唔使問點解吧。

一旦突破又是冇蟹貨任舞

藥股繼續係強勢板塊，金斯瑞（1548）今早再挾高逾8%創新高，中午收報48.78元，由於偏離10天線（43.13元）超過一成，冇貨宜候回吐上車；相反，另一隻強勢藥股藥明康德（2359），連日測試10天線支持力度後，今早再逼近歷史高位，一旦突破，又是冇蟹貨任舞。

短炒可留意藥明call 16292，行使價254元，實際槓桿4.2倍，明年3月到期。怕個股風險，可直接選擇ETF如華夏恒生生科（3069），今日亦挑戰年初高位，好倉有call 17030，行使價17元，實際槓桿3.8倍，明年4月到期。

唐牛