Nvidia破顶迎减息 7月坐定定美股稳胆｜晋佳

Nvidia（NVDA）行政总裁黄仁勋在股东会上，冇提过任何直接影响股价嘅消息，但昨日半夜股价依然头也不回，以高位收市，睇嚟今匀真系头也不回。

该股作为垄断嘅AI卖铲人，即使中国GPU收入大受挫，要再度破顶向上都只系时间问题。㖊晚股价强势突破150美元嘅旧年双顶阻力，仲要企得稳，后市悬念不大。以一只超过3万亿美元市值嘅股份睇，走势亦唔会太过复杂，值得投信心一票。

周三晚整体美股表现麻麻，Nvidia股价可谓一枝独秀，其他逆市升嘅股份，主要系同AI晶片供应链有关，可谓一只股抢尽市场资金。

较大悬念是美股大市本身

至于Nvidia较大嘅悬念，就系美股大市本身。按往绩睇，美股4月初先至结束大跌市，通常最快要等4个月先至出现下一轮震荡调整，换言之，按往绩计，美股最快8月初先要小心新一轮跌市，况且亦未必咁快会出现。

再者，联储局主席鲍威尔最新讲到，睇埋6至8月数据，就知有冇条件减息，亦讲明目前进展正面，打晒开口牌等于暗示最迟9月好大机会减息，市场喺7月份继续反映嘅话，大市以至Nvidia继续升都冇乜走鸡，似乎稳稳阵阵坐定定就有钱赚。

晋佳