好cute的肥仔！　黃宗澤12歲中學相有亮點

黃宗澤（Bosco）17歲選雜誌校草的回眸chok樣，畀人讚有偉仔味，而Bosco當年與張栢芝拍攝的檸檬茶廣告時，仲赤裸裸露出Fit爆的上半身，青春靚仔冇得輸。12歲的Bosco又會係咩樣？Bosco於微博貼出自己12歲的中學相，與網民玩競猜遊戲，他留言：「中學老師發給我的舊照片，既然大家見過我17歲，大家來猜猜照片中哪個是12歲的我，答中沒獎！哈哈！答案稍後公佈！」細看下，果然有驚喜有亮點！五官最似Bosco的中學生，只有相片正中央的肥仔，碰巧Bosco有個花名叫「亞肥 」，相信謎底已經解開！眼睛雪亮的網民都一致投相中的「肥仔」一票，更留言話「原來你也胖過」、「肥嘟嘟好可愛」。

其實肥仔一向都是潛力股，蛻變過後，就由「好cute的肥仔」搖身一變成為「男神」。除了Bosco外，韓國天團Big Bang成員T.O.P.及台灣男星彭于晏亦是肥仔變男神的經典例子。