新女JC登場首任嘉賓　嚴師黎明叫唔使畀掌聲

黎明（Leon）最新捧出來的女新人JC，晚上首度公開亮相擔任Leon澳門騷表演嘉賓，Leon則化身嚴師著觀眾不用給予掌聲。

當Leon介紹JC出場獨唱《說散就散》前，Leon先爆語錄：「有時就係咁，會有好多嘢講，有時會冇嘢講，如果我可以控制升降台就好，正如廚師可能突然整個甜品畀你食，有時飛機降落唔到，可能機師畀咗新機師去做，所以又升又降，耳仔又漲又唔漲。今日係暑假第一日，亦係一個18歲的女仔考完試出嚟，我想叫佢唱首歌同大家分享，但大家唔使畀掌聲，佢無經驗。」說罷，穿牛仔工人褲勁casual的JC現身，但繼續保持神秘，調暗燈光、拉低頭戴的Cap 帽。被網民勁嘲笑的「臘筆小新」眉，透過大熒幕近鏡才能窺見。

之後Leon再出場演唱當晚的最後兩首歌曲，他續說：「暑假到了，好多人出來社會做事，好多人啱啱考完試，他們是我們社會下一個世代向前衝的年輕人，可能這分鐘輸贏對他們好重要，但記住不要氣餒，就是這麼簡單，我就是因為冇氣餒所以才能行過來。我問過一位最好教育的朋友，到底有幾多個人考到6個A？…之前我嚮Facebook講過要搞個party，但場地申請有規限，唔緊要，下次啦，實有機會，祝大家有個愉快晚上。」贏得全場掌聲。

完騷離場前，Leon看到有粉絲高舉寫著「風雨同路」的手幅，跟著照讀後再附送金句，笑謂：「行雷落雨就避埋一邊。」（攝影：李樹勳）