洪卓立「又死咗」　《陰陽路》MV自製「死訊」

歌手洪卓立（Ken）再被傳「死訊」，更有「知情人士」出來話Ken日前跟女友湯怡自韓國旅行返港已身體不適，就連唱片公都話未聯絡到Ken，言之鑿鑿，確實令人擔心。

幸好晚上8時多，Ken終於在不同社交平台上載短片報平安。他用誇張搞笑語氣說：「昨日，我家菲傭經過街市，聽到一堆人話洪卓立又死咗，我當堂嚇一跳，又得啖笑，又死咗！」他解釋今早因為跟一班朋友用手機打機，玩到沒電又沒充電器等在身邊，沒想到一個下午就出了這件事，令他知道有幾多朋友關心他，亦對不起令朋友擔心，然後再笑說：「係，我又死咗！」

Ken留言道：「不多說了，年年都被無限loop，不過今年到我自己玩！」原來他有感每逢農曆7月就有其「死訊」，故今年拍了一條並已準備好於鬼節正日給大家看，既然今日再有新聞，他就上載了「洪卓立 Ken Hung 《陰陽路》之做人唔成做鬼唔靈」MV上網。不過網民留言之前確實擔心。