江美仪揭转投TVB遭排挤 大爆无情派系斗争：完全当我透明人 被冷暴力患惊恐症
视后江美仪入行逾30年，演技备受肯定，但背后走过的路绝非一帆风顺。日前江美仪作客YouTube频道《巴打围炉》，在受访时罕有打开心扉，忆述当年从亚视（ATV）转投TVB后，曾经历的文化冲击与人事风波。江美仪坦言在TVB曾遭遇冷眼与孤立，情绪崩溃至诱发惊恐症，甚至需要求医服药。
江美仪昔日亚视同舟共济
江美仪谈及两家电视台的工作文化，虽然亚视资源匮乏，但同事之间感情深厚、互助无间：「因为我哋𠮶时喺一个弱嘅电视台，大家只有一个目标，就系要做好。冇咁多嘢要争，你争咩？根本就唔够人，你最好唔好叫我做，大佬，从早做到晚。我早上可能要做妇女节目，下午又要去拍外景，夜晚再入厂。」当时同台艺人都会互相帮助。
江美仪初入TVB惊见派系
但江美仪转战TVB后，职场生态的巨大落差让她措手不及，她爆料指私下交往都可能引来非议：「你突然去到一个地方，唔系咁样。好似明明寻晚仲同你食饭，但今日好似唔想喺咁多人面前同我讲嘢？可能有人将你归到A组，我系B组，你系C组。但我哋其实都系朋友，但到咗𠮶个场合，A组嘅人见到你就会问，『你点解同B组嘅人倾偈？』、『你点解同C组嘅人讲嘢？』我觉得系咁嘅感觉。」
江美仪遭孤立诱发惊恐症
随着工作机会增多，随之面对的却是无情的冷暴力。江美仪感叹「不招人妒是庸才」，但在竞争激烈的环境中，旁人的回避与排挤让她深感委屈：「喺一个咁多人嘅机构，又咁弱肉强食嘅环境里面，你稍微有表现，一定会被人讲。你会发觉返到公司冇人同你打招呼，系真系冇人，擦身而过完全当你透明人。你主动打招呼，对方好似觉得『你一个被针对嘅人，如果我同你打招呼，我也会惹上麻烦』。你可以话我幼稚或者单纯，因为我以前嘅公司冇呢啲嘢，返去好不开心，就抱住小狗喊，觉得自己好委屈。」
江美仪抱狗痛哭要求医服药
在情绪日积月累下，江美仪引发严重的心理与生理病征：「我最严重𠮶阵要睇心理医生，我要食药。我经常会觉得Why，但最大的问题是呢个『Why』，其实冇答案，发生咗就系发生咗。因为有惊恐症，症状好快就会出现，透唔到气、失眠、发噩梦、好惊见人、心跳、手震，第一时间系打畀医生求助。」
江美仪获阮兆祥伸出援手
在面对情绪困扰与前夫闹离婚的人生低谷期，江美仪当时正与阮兆祥在剧中合作，二人饰演情侣。阮兆祥察觉到江美仪的异样，及时伸出援手：「其实𠮶时我同前夫开始闹离婚，我同阮兆祥拍剧，佢见到我真系唔开心，佢有一日跟我讲：『喂！有个地方我带你去，慈山寺。』𠮶时寺院仲未对外开放，佢带我去逛。之后我觉得好舒服，觉得自己系唔系可以多来呢个地方让自己平静一下？所以我要多谢阮兆祥带我去慈山寺。」
江美仪参透佛理悟出「问心无愧」
江美仪在佛法薰陶下，彻底改变看待外界攻击的心态，尤其面对网络恶评时学会释怀：「学佛时就知道，其实有啲人散播负面情绪，你可以选择唔去睇，但最高境界系见到当冇事。你控制唔到别人点样评价你，你剪短发有人嫌丑，留长头发又说似主妇，好难讨好全世界。总之，我做人只要四个字：问心无愧。」