爱回家之三代同糖｜吴若希被流放吴旺达独家回应感想 网民：变「三代徬徨」 对白句句有骨？
TVB处境剧《爱回家之三代同糖》开播以来话题不断，担大旗的吴若希更因演技浮夸沦为网民箭靶。加上她早前手滑点赞对台HOY TV对撼新剧的帖文，彻底激怒高层，结果吴若希声称以体力不支及处理私事为由，主动向公司请大假暂别剧组。车婉婉受访时亦证实，第50集后的剧本确实已完全没有吴若希的戏份，亦不知对方何时能够回归。在昨晚（16日）播出的第49集，吴若希终于「喊住离家」。对于有指吴若希「发配边疆」而淡出剧集种种传言，正身处韩国放假的吴若希独家回应《星岛头条》时表示：「生死以外无大事，我命由天不由我，我只会做好自己，因为太钟意返工。」至于几时再「回家」，她说：「等我唞顺条气先，之后继续钟意返工。」
吴若希「发配边疆」对白句句若有所指
剧情讲到「杨光」侯隽熙得罪了「Lilian」吴沚默，虽然「唐万里」吴若希成功拆弹，但老板「高冠一」容天佑以升为副总裁为名，实情将吴若希「发配边疆」调到吴旺达。剧中对白更是句句若有所指，包括「有啲嘢睇穿口又不能说穿」、「呢个世界又冇话冇咗边个唔得」，以及「呢件事就系畀个教训妳，嘢系唔可以乱讲」，旋即引来不少观众质疑「句句有骨」。
吴若希被流放竟得到网民认同
离别之际，女儿「唐芯」李茵彤紧紧抱住「唐万里」吴若希哽咽哀求，吴若希含泪将这个家托付给妈妈「唐曹嘉冰」车婉婉：「我唔喺度嘅时候，呢头家交畀你喇，辛苦晒你。」而饰演「唐曹嘉冰」的车婉婉则深情拥抱并心疼打气：「放心，你要好好照顾自己！」吴若希今次被流放的演出，竟然得到网民的认同，有人表示：「其实吴若希真系好惨，讲真我唔系佢嘅hater，但一套剧唔好睇唔系佢错。明明呢个『三代同糖』系讲佢哋三个唔同年纪嘅女人，而家走一个，咁仲叫『三代同糖』咩？！」、「无咗一个糖都唔系一头家，直接cut咗算啦！」
网民建议改剧名：爱离家之三代徬徨
还有人笑言：「爱离家之三代徬徨」、「咁不如拍吴若希喺吴旺达巧遇安仔，合作赚返𠮶三亿。」、「系囉，咩叫三代同糖？夹硬抽走其中一个女主角。一套剧好唔好睇，从来都唔系一个半个演员嘅问题，而系剧本有冇赋予佢哋灵魂、吸引到人嘅地方。同埋长篇连续剧同人一样要日久生情，睇耐咗、接受咗先有亲切感。」、「呢套剧真系唔掂，播到第50集已经走咗个主角。」、「不如就喺呢度大结局啦。」、「夹硬送走大主角，就算佢无观众缘，成套剧都变烂，点执都救唔返。点解唔斩掉重练？亡羊补牢，结果系咩？」
甚至有网民大开脑洞：「既然叫三代同糖，就应该连埋芯芯、唐C9三个都一齐去吴旺达，跟住镜头射去喺吴旺达嘅金城安，见到佢哋三代同堂咁sweet，就决定返嚟香港同妈咪、根叔一齐。对比之下佢哋都系『三代同堂』，之后熊家一齐取代原先嘅唐家，仲对住镜头话要速递啲开心俾大家，决定改名叫『开心速递』。」