前主播陈书君明年加国结婚拒请父母观礼 自爆被批53岁大限欲立平安纸：唔想瞓住死
前有线新闻首席男主播陈书君（Vincent）于2026年5月离巢后，结束长达8年的新闻主播生涯。当时回复自由身的他，曾洒脱地抛下一句：「终于是彻底自由了，我要去过真正宽广的人生。」而近年专注于个人发展的他，在今年9月于社交平台宣布婚期，透露与男朋友Steven计划于明年在加拿大注册结婚，正式「拉埋天窗」。近日他作客网上节目《生死下午茶》访问，分享他被男友求婚的甜蜜，以及多年来因「出柜」与家人产生的巨大裂痕，甚至扬言不会邀请父母出席婚礼。
陈书君2012年中秋出柜母亲以死相逼
陈书君在访问中透露，家人早在2010年已察觉他钟意男生，直到2012年中秋节，他决定亲口向家人坦白，怎料换来的却是母亲极端的以死相逼。陈书君表示：「我记得应该系10年佢哋知道我系钟意男仔嘅，跟住12年系我自己亲口同佢哋承认。十几年到依家都唔接受，呢个对我嚟讲系一个几大嘅、心入面一个难关过唔去。当时我已经搬咗出去住，我Text我妈，同我妈讲：『我要同你讲一件事。』咁跟住我妈就发晒癫、狂打电话嚟，话：『你再唔返嚟见我，我就去跳楼呀、跳桥呀』！」
陈书君拒娶妻欺骗两个家庭
面对至亲以生命作威胁，陈书君在痛苦中依然选择诚实面对自己，他坚信若为了迎合父母而娶妻生子，只会制造一场更大的悲剧，因而狠下心拒绝妥协。这份坚持也令他与家人的关系至今依然冰封，在移居香港后更是形同陌路。他坦言：「我都几狠得下心，觉得我可以做咩？唔通我去呃一个女仔话我钟意女人，我同佢结婚？咁样压抑一世，呃咗两个家庭，系好唔负责任嘅呢样嘢。所以我唔会做啲咁违背良心嘅嘢。我同家人唔OK呀，咁多年都唔OK。以前隔一阵都会返下屋企，后来嚟咗香港之后就更加有借口唔返去。」
陈书君加国婚礼不请父母
谈到明年9月的加拿大婚礼，陈书君直言不会邀请父母出席。前阵子获男友Steven求婚时，一众好友出席见证，这让他对「家人」二字有了全新的体会，并直言朋友和另一半组成的「Chosen Family」比血缘更重要。陈书君表示：「婚礼我唔会邀请佢哋呀，我觉得无必要令到佢哋同我都唔高兴。既然我知道佢哋唔祝福我，咁我叫佢哋嚟做乜呢？我以前会觉得，我一定好需要屋企人祝福。但去到某一个位嘅时候我已经觉得，我可以做我自已嘅父母。我唔需要佢哋畀 Love 我，我嘅爱系我自己可以营造畀自己。」
陈书君被相士批53岁大限
在访问中，陈书君更自爆被算命师傅批他活不过53岁，他坦言当初听到「53岁死」时的确有过惊恐反应，甚至一度想立平安纸，但也因此学会更珍惜眼前人。对于死亡，他笑言不怕死，但绝不想「瞓住死」。「当时我都有谂过，自己要唔要一早立定遗嘱、写定平安纸𠮶啲，万一真系走咗都要对身边嘅人有交代。我唯一谂法系唔希望瞓住觉死，瞓住觉死我就唔知我自己死咗。首先我唔希望痛苦咁死，但我都不希望瞓住咁死。我要有一个意识：『得啦，我知道我要死啦』。」