Anson Lo自爆愛換手袋當換衫 驕傲有能力讓父母退休 推首支國語單曲親自填Rap詞
MIRROR成員盧瀚霆（Anson Lo）今日出席品牌活動，現場吸引大批「神徒（粉絲名稱）」到場支持。一向愛錫粉絲的Anson Lo，更即興跳舞大晒舞藝，𠱁得粉絲起哄。
盧瀚霆推首支國語單曲
對於首支個人國語單曲《goofy》將於今晚九時首播，繼而另一首新廣東歌在本月（20日）推出。他表示兩首歌曲想給大家有不同感覺，而國語歌《goofy》Rap部份親自填詞，是一如以往自己Solo快歌英文Rap詞都是自己填詞，因為想參與度大一點。
盧瀚霆不擔心被人捉發音不正確
談到兩首新歌推出時間相近，他表示今年的計劃會想推出雙單曲，今次較為特別是推出首支國語歌，雖然以往唱過國語歌，但今次好大挑戰，例如：咬字、發音等，雖則跟音樂班底合作過，但曲風不同，以前所唱的《Money》、《Megahit》、《Hey Hey OK!》比較Party feel 的快歌，今次偏向R&B ，所以他跟監製Edward Chan找了新唱法會比較soft一點。當笑問可會擔心被人捉發音不正確？他笑說：「都唔驚嘅，其實唱乜文都會，就算唱緊英文、廣東話，廣東話都會被人捉懶音字架啦！冇話唱緊咩語言就會特別驚嘅。」
盧瀚霆跑步為健康
提到他在IG分享跑步片，是否積極為年底舉行的MIRROR演唱努力操練身形？他笑言為個人健康而已，尤其完成澳門站演唱會後會提醒自己盡量不要因為一個計劃而地獄式操練或者練氣跑步，不過為MIRROR演唱會都會操練大隻，但不想只為一個計劃而做。他說：「我私人教練都同我講係咁樣諗係啱嘅，但都要諗下自己 mental health，其實要拎個平衡唔可以太苛刻。」
盧瀚霆不知MIRROR加開三場
談到MIRROR於12月假亞博ARENA舉行8場《MIRROR 12 AS 1 LIVE 2026》慶祝成軍8周年，官方社交網公布加開三場。Anson Lo聞言表示不知道，在場的花姐指加開三場，他笑謂剛剛知道。提到Anson Lo早前在社交網Po旅行相，網民發現他全身行頭貴。談到他是否喜歡儲手袋，他說：「鍾意換手袋，每一日去開工也好、去唔同地方也好，我當換衫咁樣，可能有四個袋每日輪住用。」
盧瀚霆自爆愛換手袋
談到相片中可見他一身型格打扮，身上斜揹住一個黑色名牌袋價值六位數字，有人認為特顯他的身份。Anson Lo說：「我覺得咩數字嘅袋，都都只係一個袋， 只係一個裝嘢嘅袋或當佢accessory又好，都係一個 fashion item，睇下你嘅價值觀擺去睇呢件事。」他又指賺錢會交租先，但好驕傲有能力讓父母退休，不過暫未有買物業的想法，媽咪曾做會計會教他理財。
盧瀚霆與李駿傑韓國旅行當聚一聚
對於早前跟隊友李駿傑（Jeremy）到韓國旅行，他笑言只有3日時間不夠「充電」，因為時間太短，今次純粹跟Jeremy一齊去旅行，畢竟跟MIRROR隊友越來越少合體搭住一齊工作，所以跟Jeremy去旅行當聚一聚。
盧瀚霆未諗好封邱士縉多少人情
提到《星島頭條》獨家爆出隊友邱士縉將於十月底到東南亞舉辦婚禮，問到他是否執拾好行李準備出發未？他笑言自己經常最後一刻執行李，但自己好快手執好。對於到東南亞會否怕曬，他表示塗防曬就可以，至於畀人情方面畀幾多，自己未諗好。
盧瀚霆拍團綜被小朋友問攞電話
提到參與ViuTV團綜《MIRROR ACE》時，在限時20分鐘內盡力俘虜小學生的「心」，一眾成員各出奇招，鬥快跑步、射籃球、一字馬、側手翻、掌上壓、拱橋樣樣做齊。Anson Lo笑言玩得好開心，覺得小朋友表達好簡單又直接不會轉彎抹角。他說：「有個小朋友話要我電話號碼，呢啲唔會咁容易講得出嚟，但係細路仔就係咁純真、可愛。」談到姜濤在團綜節目中以漢堡包利誘小朋友，他笑說：「勁呀！」
盧瀚霆祝福阿MO一切安好
提到李啟言（阿MO）在社交網上載在加拿大渡過生日的相片，他表示沒有睇別人的社交網，但生日當然祝福一切安好。