陈凯咏自揭遭性骚扰被摸胸腰 力撑袁澧林勇敢发声

陈凯咏（Jace）今日（13日）出席品牌活动，袁澧林（Angela）昨晚（13日）在IG发千字文，勇敢揭露自己入行以来多次遭言语及肢体性骚扰、无故被「性化」和矮化的经历，痛批演艺圈、文化界根深蒂固的厌女文化与系统性不公，同时控诉遭男记者性骚扰，自爆入行后遭前辈强吻。

陈凯咏︰尊重女性啦

陈凯咏明言，看完该文章后，明白当中意思，「内心拍晒手掌！」问可遇过有人向她说侮辱性的说话？她说：「我觉得呢个系成个文化，大家要留意嘅嘢。有时可能讲者无心，但唔系一句就大晒！始终我哋做呢行，女仔无论幕前、幕后，有时衣着可能好似我今日咁样，有啲人觉得讲出嚟系赞美，原来女仔听起嚟会觉得唔尊重、或者吓亲！咁我哋系咪做呢行要食晒（容忍）呢？定系不论男女，我哋意识可以再加强多啲？尊重多啲？我觉得多啲讨论，大家睇吓点样做好啲。」

陈凯咏曾遇言语骚扰

陈凯咏明言遇过被骚扰的情况，「可能无心嘅，例如拍戏，有人会话︰『等我摆个镜头高炒先』、『装个POV（视角）望先』……其实我听到呢啲说话，啱啱入行又好新，会好惊，心谂︰『佢真系会咁做』？我都未必次次够胆出声。我当然非常鼓励所有女生为自己争取，为自己去发声。我𠮶阵时嘅讲法系：『喂，你唔好咁讲㖞！我会唔舒服㖞！』当时𠮶个人都会话：『无心㗎！』不过唔系个个女仔都够胆出声。我甚至遇到可能再过份啲，会手多多！」

陈凯咏遭摸胸

陈凯咏续说，好多人以为香港女生好勇敢，被骚扰时会够胆出声，她指，其实在无预期环境下遇到会好愕然。问再遇类似事件会怎样？会出声，她说：「我绝对希望每次都出声！（考黑带资格先？）我哋唔好用暴力解决。我觉得尊重，系男性、女性都要做嘅嘢，系对人尊重。」再追问她被人手多多一事，是摸到哪部位？她以动作示范被对方手触及胸部、腰部位置。

陈凯咏拍《悠长假期》同AK谈情

另外，问有份演出ViuTV港版《悠长假期》的进度，陈凯咏表示快将拍完，剧中同AK（江爗生）有感情线，无亲热戏，指所演的角色有别原著日版，相比下港版更有故事性。提到11月有份演出「国泰西九爵士音乐节」演出，她指十分期待睇许志安表演。