譚俊彥談女童拎啤酒 堅持唔可以畀細路掂酒精 愛女學籃球獲劉穎鏇贊助運動服

譚俊彥（Shaun）及2026年香港小姐袁絲珩、鄧匡閔、李澤欣今日出席《善心滿載仁愛堂》記者會。與太太任祉妍育有一對子女的Shaun接受訪問時，談起自己之後要趕去接女兒放學：「每個禮拜都有2日要接佢哋放學。」及後他也提到女兒最近學打籃球，而且獲劉穎鏇方面贊助自家品牌的運動服：「帶個女出去多啲，又睇吓Tiffany（劉穎鏇）打籃球，令佢有多啲自信。」

譚俊彥不宜多談拎啤酒女童

最近「富泰邨女童拎24罐啤酒」備受討論，譚俊彥竟沒有睇過有關新聞，他指不宜作過多評論，但他仍說，不應讓小朋友接觸未滿18歲不得購買的產品，包括酒精和煙草產品：「幫屋企人攞嘢唔係錯，但真係唔可以畀細路仔掂到，唔係以前個年代。好明顯都有少少虐待成份。」他也分享，指家中小朋友會陪他一齊去街市買餸與人接觸，小朋友更會主動要求幫手拿重物。

港姐三甲首次出席慈善騷

另外，香港小姐袁絲珩、鄧匡閔、李澤欣表示第一次出席慈善騷，心情興奮，而且期待演出。問及她們在當晚會表演什麼？冠軍袁絲珩展現其幽默感說：「我哋冇呀，表演拍手囉。我知道廣告返嚟個鏡頭就係我哋。」最近李澤欣的社交平台出現不少試食片，她解釋這些片段是參選時拍下的，因為當時擔心有影響，所以選後才放上社交平台。鄧匡閔表示自己將會考車牌，雖然還未考路試，但到時會預先通知朋友，她會在哪一區路試，囑大家小心。