醫生，你有病丨黃霑肺癌主刀醫生嚴秉泉患柏金遜封刀 披白袍變畫家樂觀擁抱衰退：人生係要硬食

方東昇、黃曉瑩及李嘉嘉再度攜手炮製的《醫生，你有病？》自從播出後，在網上引來不少迴響，節目內容以尋找「最不像病人的病人——醫生」為主題，直擊名醫們面對自身疾病與心結的真實面貌，雖然他們平時處事快、狠、準，見慣生死，但當角色互換，成為病榻上的患者或照顧者，同樣會逃避與焦慮。在昨晚（8日）播出的第四集，其中一個案醫生是已故填詞人黃霑肺癌主刀醫生、心胸肺外科專科醫生嚴秉泉。

嚴秉泉醫生剖白確診柏金遜症十年歷程

「一代鬼才」黃霑在2004年離世，當時在大球場舉行追思會，嚴秉泉醫生在會上聲淚俱下，惜別故友。想不到這位亞洲心胸肺外科權威醫生確診柏金遜症，這位曾用雙手拯救無數生命的名醫，在面臨手震、日跌數次及「凍步」等嚴重衰退下，毅然決定「封刀」。在節目上，嚴秉泉剖白自己確診柏金遜症十年的抗病心路歷程，他經過一星期的冷靜，選擇用阿Q精神應對：「我唔想嘥時間做啲無謂嘢，或者因為我自己係醫生，我知道人生，呢個病係好多人會經歷過，人生有好多嘢都要硬食，即係冇得揀。」

嚴秉泉醫生是黃霑的肺癌主刀醫生

嚴秉泉醫生在醫學界地位崇高，最為人熟知的是曾為已故「一代鬼才」黃霑的肺癌主刀醫生。在2004年黃霑追思會上，嚴秉泉醫生在台上聲淚俱下憶故友並曾說：「我同在座嘅朋友一樣，都係喺霑叔嘅音樂同笑聲中長大。但係我真正認識霑叔係三年半前已經發現自己有肺癌，嚟搵我同佢做手術。佢不單止係我嘅病人，亦都係我嘅老師，亦都係我一個非常好嘅朋友。」可惜嚴秉泉醫生大約在10年前確診柏金遜症（Parkinson’s disease）而被逼放下手術刀，提早退休。在節目上，從小到大都是「人生勝利組」的嚴秉泉醫生，畢業於劍橋、牛津，回港後僅用十年便升任講座教授，三年後更成為部門主管。因為對手術要求極高、凡事追求完美，他行內更有個響噹噹的花名——「奄尖大少」，連護士貼膠布的位置和手勢都要管，甚至有私家醫院護士笑稱「跟他合作過的人沒有一個沒哭過」，想不到命運卻在他事業巔峰時開了個大玩笑：「我有柏金遜症！我以為我自己係椎間盤突出。我最記得有一次，食完飯行幾步，我親戚問我點解趷吓趷吓，我咪話隻腳有啲唔舒服，我以為係椎間盤突出影響神經線。點知後來返，原來係早期柏金遜症（徵狀）。我身邊嘅人接受唔到，佢哋比我更加難接受，身邊朋友覺得我很慘，覺得『嘩，你做醫生那麼成功，突然又做唔到，真係好慘』。」

嚴秉泉確診後很快決定封刀提早退休

當時嚴秉泉醫生當然感到難受，不過很快接受現實：「我係鍾意用隻手嘅人，即係如果做唔到手術，我寧願唔做醫生。唔開心一定有，但係我諗我比一般人快啲適應同受現實。我諗大概一個禮拜左右星，就係咁樣。 我唔想浪費時間做一啲冇意義嘅事。或者因為我自己係醫生，我知道人生呢個病係好多人經歷過，如果我冇呢個病，可能有其他， ABCD餐（肺癌、心臟病、失憶和中風）點都揀一個，冇得唔食。人生有好多嘢都要硬食，你冇得揀。」最終嚴秉泉醫生「硬食」了P餐（柏金遜症）：「我控制唔到有冇柏金遜，我已經係有，我唯一能控制，係點樣去面對，my response to the event。如果選擇唔嬲，you know that’s good。我會視作自我修行，你話我係阿Q，或者我真係阿Q，我唔介意別人叫我阿Q。」嚴秉泉醫生確診了第五年，身體終於出現了病徵：「手腳僵硬，冇以前咁靈活，動作好慢，手震，隻眼成日好似要合埋呀，把聲音越嚟越細。飯廳鋪咗好厚嘅墊，因為我一日可以跌好多次，又瞓唔到，最多可以瞓兩、三個鐘，真係好慘。」嚴秉泉醫生又試過在中環過馬路時突然病發：「突然行行吓唔郁得，無緣無故，真係會停落嚟，行唔到。要助手棘一棘，我就行得返。」在病情最嚴重的時候，嚴秉泉醫生需要接受開腦接受深層腦部電刺激手術：「呢度（左胸）有條線出嚟，延伸到頸後、耳朵後，然後去到呢度（頭頂），分開兩條，左右腦都有（起搏器）。

嚴秉泉將醫生袍由手術室帶到畫室

不過離開手術室後，嚴秉泉醫生依然穿上醫生袍，但由手術室帶到畫室：「畫係創作、 要original。手術consistency，係好唔同㗎囉。我都好鍾意畫畫，因為我生出嚟知道我對顏色的運用同空間，有一啲特別嘅感覺，所以我諗過當畫家，嗰陣同屋企人商量過，爸爸好啱，叫我不如先讀醫。」至於有否懷念昔日行醫的日子，嚴秉泉醫生說：「冇，我而家完全冇，我已經知道會越嚟越差，有心理準備連畫都畫唔到，但係我不會唔開心，有多人覺得自己失去咗啲嘢好慘，佢哋只係專注喺失去咗嘅嘢度，冇諗過仲有幾多嘢，常感恩係最緊要。」