医生，你有病丨黄霑肺癌主刀医生严秉泉患柏金逊封刀 披白袍变画家乐观拥抱衰退：人生系要硬食

方东升、黄晓莹及李嘉嘉再度携手炮制的《医生，你有病？》自从播出后，在网上引来不少回响，节目内容以寻找「最不像病人的病人——医生」为主题，直击名医们面对自身疾病与心结的真实面貌，虽然他们平时处事快、狠、准，见惯生死，但当角色互换，成为病榻上的患者或照顾者，同样会逃避与焦虑。在昨晚（8日）播出的第四集，其中一个案医生是已故填词人黄霑肺癌主刀医生、心胸肺外科专科医生严秉泉。

严秉泉医生剖白确诊柏金逊症十年历程

「一代鬼才」黄霑在2004年离世，当时在大球场举行追思会，严秉泉医生在会上声泪俱下，惜别故友。想不到这位亚洲心胸肺外科权威医生确诊柏金逊症，这位曾用双手拯救无数生命的名医，在面临手震、日跌数次及「冻步」等严重衰退下，毅然决定「封刀」。在节目上，严秉泉剖白自己确诊柏金逊症十年的抗病心路历程，他经过一星期的冷静，选择用阿Q精神应对：「我唔想嘥时间做啲无谓嘢，或者因为我自己系医生，我知道人生，呢个病系好多人会经历过，人生有好多嘢都要硬食，即系冇得拣。」

严秉泉医生是黄霑的肺癌主刀医生

严秉泉医生在医学界地位崇高，最为人熟知的是曾为已故「一代鬼才」黄霑的肺癌主刀医生。在2004年黄霑追思会上，严秉泉医生在台上声泪俱下忆故友并曾说：「我同在座嘅朋友一样，都系喺霑叔嘅音乐同笑声中长大。但系我真正认识霑叔系三年半前已经发现自己有肺癌，嚟揾我同佢做手术。佢不单止系我嘅病人，亦都系我嘅老师，亦都系我一个非常好嘅朋友。」可惜严秉泉医生大约在10年前确诊柏金逊症（Parkinson’s disease）而被逼放下手术刀，提早退休。在节目上，从小到大都是「人生胜利组」的严秉泉医生，毕业于剑桥、牛津，回港后仅用十年便升任讲座教授，三年后更成为部门主管。因为对手术要求极高、凡事追求完美，他行内更有个响当当的花名——「奄尖大少」，连护士贴胶布的位置和手势都要管，甚至有私家医院护士笑称「跟他合作过的人没有一个没哭过」，想不到命运却在他事业巅峰时开了个大玩笑：「我有柏金逊症！我以为我自己系椎间盘突出。我最记得有一次，食完饭行几步，我亲戚问我点解趷吓趷吓，我咪话只脚有啲唔舒服，我以为系椎间盘突出影响神经线。点知后来返，原来系早期柏金逊症（征状）。我身边嘅人接受唔到，佢哋比我更加难接受，身边朋友觉得我很惨，觉得『哗，你做医生那么成功，突然又做唔到，真系好惨』。」

严秉泉确诊后很快决定封刀提早退休

当时严秉泉医生当然感到难受，不过很快接受现实：「我系钟意用只手嘅人，即系如果做唔到手术，我宁愿唔做医生。唔开心一定有，但系我谂我比一般人快啲适应同受现实。我谂大概一个礼拜左右星，就系咁样。 我唔想浪费时间做一啲冇意义嘅事。或者因为我自己系医生，我知道人生呢个病系好多人经历过，如果我冇呢个病，可能有其他， ABCD餐（肺癌、心脏病、失忆和中风）点都拣一个，冇得唔食。人生有好多嘢都要硬食，你冇得拣。」最终严秉泉医生「硬食」了P餐（柏金逊症）：「我控制唔到有冇柏金逊，我已经系有，我唯一能控制，系点样去面对，my response to the event。如果选择唔嬲，you know that’s good。我会视作自我修行，你话我系阿Q，或者我真系阿Q，我唔介意别人叫我阿Q。」严秉泉医生确诊了第五年，身体终于出现了病征：「手脚僵硬，冇以前咁灵活，动作好慢，手震，只眼成日好似要合埋呀，把声音越嚟越细。饭厅铺咗好厚嘅垫，因为我一日可以跌好多次，又瞓唔到，最多可以瞓两、三个钟，真系好惨。」严秉泉医生又试过在中环过马路时突然病发：「突然行行吓唔郁得，无缘无故，真系会停落嚟，行唔到。要助手棘一棘，我就行得返。」在病情最严重的时候，严秉泉医生需要接受开脑接受深层脑部电刺激手术：「呢度（左胸）有条线出嚟，延伸到颈后、耳朵后，然后去到呢度（头顶），分开两条，左右脑都有（起搏器）。

严秉泉将医生袍由手术室带到画室

不过离开手术室后，严秉泉医生依然穿上医生袍，但由手术室带到画室：「画系创作、 要original。手术consistency，系好唔同㗎囉。我都好钟意画画，因为我生出嚟知道我对颜色的运用同空间，有一啲特别嘅感觉，所以我谂过当画家，𠮶阵同屋企人商量过，爸爸好啱，叫我不如先读医。」至于有否怀念昔日行医的日子，严秉泉医生说：「冇，我而家完全冇，我已经知道会越嚟越差，有心理准备连画都画唔到，但系我不会唔开心，有多人觉得自己失去咗啲嘢好惨，佢哋只系专注喺失去咗嘅嘢度，冇谂过仲有几多嘢，常感恩系最紧要。」