蔡枫华罕除黑超揭右眼伤残真相 遭30人伏击用铁莲花插眼致残：再低少少就冇
80年代曾有「红唇王子」之称的蔡枫华近日罕有现身翁静晶的YouTube节目《危险人物2.0》的访问，翁静晶指有逾40年未有与蔡枫华见面，今次与好友见面，二人的心情相当激动，翁静晶一度忍不住落泪，场面相当感人。蔡枫华曾因疯言疯语的行径而被封为「四大癫王」，令到他形象直插谷底，但在访问上，蔡枫华全程思路清晰，说话有条不紊，两人除了闲谈昔日的合作点滴，蔡枫华亦罕有地澄清了多项缠绕他40年的真相。
蔡枫华近年出席活动经常以黑超造型示人，今次在节目上，蔡枫华罕有摘下墨镜，展示因重创而视力受损的右眼，他更道出受伤经过，原来与演唱会关。蔡枫华称在2004年，当时张耀荣在电视公开承诺会再为他开演唱会，结果却得罪有势力人士：「又系为咗红馆，因为我知小凤姐唱唔晒，谂住揾张生（张耀荣），点知又俾人围。啲帮会人士嚟揾我，佢唔想呢件事发生，佢要保障佢辖下嘅人。」他更罕有除下太阳眼镜展示右眼伤患并说：「冇盲到，只眼做咗手术。」
对于多年来被指因为说了一句「一刹那光辉唔代表永恒」遭封杀，但蔡枫华在节目上讲到当年真正事业低潮，是因为唱片公司不肯履行出碟配合五场演唱会的承诺，令其1988年红馆演唱会泡汤。多年后，蔡枫华本来有机会与张耀荣合作再开演唱会，殊不知张耀荣在电视公开承诺会再为蔡枫华开演唱会，结果却得罪有势力人士，蔡枫华称：「香港有势力人士就嚟揾我，你明白未？啲帮会人士嚟揾我，佢唔想呢件事发生，佢要保障佢辖下嘅人。」翁静晶追问原因：「即系其实有一班唱歌嘅歌星，就系黑社会所控制，如果有10场8场演唱会，就宁愿佢哋去好过你去，系咪咁？因为你系冇党派？」蔡枫华有点不知所措，只称：「你讲到咁明显，你惊唔惊呀？总之我冇表示意见，我唔知，就系咁喇。」翁静晶再说：「你唔使惊，我打得，如果佢虾你，我帮你打，以前我打你，而家我帮你打人。」 蔡枫华无奈地说：「我都系跆拳道黑带，咪一样畀人打肿，如果唔系点解要戴眼镜？」蔡枫华除下眼镜后说：「冇盲到，但系我做咗手术。（翁：畀边个打？），系2004年，黑社会囉，又系为咗红馆，因为我知小凤姐唱唔晒，谂住揾张生（张耀荣），点知又俾人围。（翁：有冇报警？）你真系问嚟都多余。」翁静晶指20、30年前的香港娱乐圈确实黑暗，蔡枫华再透露自己曾在美国被四支枪指住个头：「𠮶次就唔系为咗钱，𠮶次系有个女艺人唔知做乜鬼嘢，搞是搞非，煽动啲人、又蚀钱，就上嚟指住我话我有份，我话我冇份㖞大佬！我嚟表演咋去大西洋城，就系咁囉，唔想讲呢啲嘢喇。」
蔡枫华多年来被冠上「四大癫王」称号，但蔡枫华自认是斯文人，无花无朵，翁静晶亦力撑好友的行为良好，蔡枫华说：「我唔埋班，但系唔代表我敌视你哋。每个人都有自己本身嘅嗜好，而家呢个蔡枫华真系嫖赌饮荡吹五样都唔关我事，已经几十年。有啲人我细个应该揾到啲钱，不过我为卖股票，由几百万蚀到得番20几万。」蔡枫华又称「四大癫王」这个外号对他影响甚大，不单止工作，甚至连因被打而去报警求助都不获受理，蔡枫华说：「大佬，用铁莲花插我嘅右眼，你知唔知道，如果打低少少， 呢度爆咗，话畀你知，只眼冇咗，我呢度做咗手术，系创伤性青光眼，右眼视力永久受损。」翁静晶闻言不禁心痛对方遭遇落泪，并承诺替他翻案，蔡枫华哽咽称：「你都知我一定经过好多好多嘢，一定出过事，点会因为𠮶啲咩刹那光辉永恒，点会系𠮶啲咁嘅嘢？一定有事。不过最好唔好搞，连累咗你，呢班人惹唔过。」蔡枫华又忆述当年被打经过，指遭到30多人围殴：「佢哋有计划、有组织、有预谋，𠮶时我住偏僻地方，佢哋揾个女人嚟话『蔡生，呢排有个男人嚟揾你，问你住喺边。』首先畀咗一个错觉你，觉得屋企唔安全，𠮶晚我喺澳门，去威尼斯人，唔系赌钱，系想去揾一个Entertainment manager，𠮶晚我已经知道危险，因为我返嚟嘅时候，遇到啲的士司机架架都系𠮶啲人，我上到去已经惊，就谂住上深圳避一避。」
蔡枫华续说：「上𠮶啲巴士，离开咗，后面有七、八个古惑仔喺度唱《绝对空虚》，跟住我一齐上，过咗关之后去到𠮶个位，佢哋就响朵，话『我哋系边度，你揾边个同你做红馆呀？』我话『张耀荣先生，得唔得？』𠮶阵喺关入面，佢哋唔敢郁手，到我上咗的士，睇吓佢哋会唔会跟住我，冇吖，去一去桑拿地方，谂住睇吓有冇事，一出返嚟，30几人等我！喺深圳出面等我，喺深圳打我！」蔡枫华称当时先返香港再到屯门医院缝针：「我返嚟即刻去咗医院，𠮶时啲CID摆明车马，话蔡生唔适宜落口供，佢写嘅全部都系大陆𠮶一半，香港𠮶一半佢冇嘅，跟住佢睇都唔睇，就俾返封信，我话系common assault（普通袭击），我就写返封信话唔系。」在控诉失败后，蔡枫华坦言不停努力提升社会地位，希望能重新得到注视：「我后尾上咗《劲歌金曲》，我要想办法提升自己知名度同社会地位，你社会地位太低，等于瞓街边，俾人打你一身，边个理你？你个地位已经唔系歌星，个差佬问你咩职业，我话艺人，佢话艺术人呀？已经俾人Underrate晒，一定要提高返自己，起码行返出嚟，我系歌星嚟㖞！唔同晒！」