「御用老外」阿一布偉傑正式告別香港 經歷生意失敗、欠債、離婚 宣佈移居日本福岡
前TVB「御用老外」布偉傑（Brian Burrell）當年憑處境劇《同事三分親》飾演「阿一」韋一角色深入民心，自此「阿一」便成為了他的代名詞。54歲的布偉傑離巢TVB已有8年，因近年甚少在幕前露面，外界一度傳出他已離開香港到外地生活。近日，布偉傑親自拍片上載到社交平台，大方透露其最新近況。
布偉傑舉行兩場告別音樂劇
近年淡出電視幕前的布偉傑，不時在社交平台分享生活點滴。他透露將於10月中舉辦兩場音樂劇《阿一．點止鬼佬咁簡單2—植根》，並坦言今次演出將是其離港前的「告別之作」。在音樂劇結束後，他將會正式移居日本福岡生活。
布偉傑曾遇生意倒閉兼欠債
布偉傑在社交平台上載影片感性分享：「好多人見到我都會問：阿一，你離開TVB之後去咗邊？有人仲認真啲，喺我個維基（百科）度改咗，話我返去做IT，我到今日都唔知邊個幫我轉行嘅。又有人以為我去咗大陸，我冇去，我一直喺香港。呢八年，我冇再喺電視出現過，但係呢十年間，我搬過五次屋、生意倒閉過、欠過債，有啲朋友亦一個一個走。呢啲我以前冇講過，因為我以前覺得，一個搞笑嘅鬼佬唔應該講呢啲。之後（完成音樂劇後）我便會搬去福岡。」
布偉傑毅然放棄IT高職追夢
布偉傑畢業於美國猶他州大學，主修中國文學及亞洲研究。他精通廣東話、普通話、英語及柬埔寨語，更曾擔任法庭翻譯員。當年為了追尋演藝夢，他毅然放棄高薪的IT工作，由臨時演員做起。加入TVB後，他憑藉一口流利的廣東話獲得大量演出機會，在《同事三分親》、《珠光寶氣》等劇集中飾演高級警司或外籍高層，專業形象深得觀眾喜愛。2018約滿離巢後，他曾自組樂隊「港三港四」四處演出，去年更報名參加《中年好聲音4》的海選。
在感情生活方面，布偉傑曾歷兩段婚姻。他於1994年在波士頓一間快餐店認識年長2歲的圈外女友，婚後育有兩名子女，可惜這段婚姻於2003年宣告結束。2017年，布偉傑與拍拖3年的化妝師Celia再婚，無奈仍敵不過七年之癢，雙方最終於2023年離婚。