Lokman練忍汗被反傳統閻羅王造型考起 杜燕歌玩厭陽界跳槽陰間

杜燕歌（杜哥）與楊樂文（Lokman）入行時間相差38年，最近兩人在ViuTV新劇《地獄大狀》相遇，雖然杜哥身為殿堂級前輩，面對後輩時仍保持虛心學習的態度，更在片場派糖拉近距離，而Lokman則感激前輩無距離感的合作方式，以輕鬆相處和溝通降低壓力，提升自然度與團隊默契。撰文：霍淇、攝影：林賓尼

杜燕歌讚Lokman眼神有戲

杜燕歌飾演富翁石松，要處理陰、陽兩界的委託和訴訟事務，至於Lokman則是在陰間呼風喚雨的閻羅王。杜哥形容︰「我角色有執念、執著未放低，要通過老闆（閻羅王），希望老闆放手俾我出去做做啲嘢，完成我嘅心願。」杜哥指Lokman氣勢勁，不需開口，單靠眼神已能交到戲。

Lokman有壓力頂硬上

對住前輩，Lokman就笑言並非那麼淡定，很多事情都要「死頂」，要提醒自己不要那麼緊張，也感激杜哥在拍攝期間的提醒：「同杜哥拍頭幾組，自己仲揾緊個角色特質，佢話『你呢吓可以俾多少少喎』，我就試吓順住去。有時我要俾啲嘢杜哥，係反手俾佢？點樣先會舒服啲呢？自己都有壓力。」杜哥則也大讚Lokman是專業演員，任何方面也很細緻，這樣才會有火花。

Lokman閻羅王造型反傳統

Lokman演閻羅王，造型上與觀眾既有想像的不同，是要穿英式軍服。也因此造型令他嚐盡苦頭：「又厚又重！我記得嗰時係最熱嘅夏天，『地府』又放好多煙，好侷又好熱。因為要困住啲煙，仲要搵黑布圍住，唔可以開冷氣、風扇。」雖然熱，他笑指在MIRROR多年，訓練出忍汗的意志，「一味靠忍！」Lokman坦言這算是他拍得最辛苦的一套劇，「耐熱係最大挑戰！因為套衫太多嘢，唔想休息嘅時候除低，因為再穿上會好嘥時間，所以就長期都著住。」

杜燕歌退而不休

入行超過50年的杜哥離開TVB後，與太太韓馬利在中山過着「退而不休」的生活，工作以外，閒時會到處旅遊，返港就約朋友食飯。對於離巢，他指公司有挽留，「我想自由啲，我俾人綁咗幾廿年，真係想換一條頻道，見到鍾意嘅劇本、角色OK就玩吓。」他指今次劇本吸引的原因，笑說是因為在「陽間」經歷太多（拍劇類型），「陰間這個題材好好玩，有機會的話，我下次想去天堂。」

楊樂文化妝：Giann Cheung；髮型：Manho Li @Hair Culture；服裝：Nike、ADSB ANDERSSON BELL、PROTÉMOA；造型：WAN JANSCO、THECLOTHESURGEON