毛舜筠哽咽罕談前度張國榮 公開塵封33年二人情深對唱原聲 哥哥曾急進求婚嚇走毛姐
由毛舜筠與林日曦領銜主演的舞台劇《大死撐日》，前晚（3日）假香港演藝學院歌劇院圓滿落幕，尾場獲汪明荃、姜濤、俞琤、容祖兒及蔡少芬等圈中好友力撐。毛舜筠更哽咽分享一段與已故巨星好友張國榮的合唱往事，毛舜筠透露自幼熱愛粵曲且是「任白迷」，排練時勾起當年瘋狂往事：「就喺33年前同我一位朋友，佢都係任白迷，我哋嗰時好癲，走到灣仔一間曲藝社合唱任白嘅歌，仲錄埋音，嗰段日子真係好開心。」她之後揭盅該名好友，正是跟她曾經拍拖的巨星張國榮。如今曲藝社與摯友皆已離去，毛舜筠翻遍全屋也找不到錄音帶，豈料竟在父親遺物中尋回，她激動淚崩道：「原來嗰餅錄音帶喺爸爸嘅遺物度，我爸爸竟然一路幫我keep住，佢話好珍貴。」適逢今年是哥哥70歲冥壽，毛舜筠現場播放了一小段合唱原聲，場面動容。
毛舜筠入行50年首演舞台劇
首次演出舞台劇的毛舜筠坦言，今年適逢自己入行50週年，這趟圓夢之旅對她而言是一段奇妙緣份。毛舜筠透露過去曾兩度與舞台劇擦身而過，直言這部作品彌足珍貴：「過往我曾經有兩次機會做舞台劇，連合約都簽埋㗎喇，但係都因為一啲原因，最後我都冇做到。直到今年，亦都係我入行50年，先真正第一次踏台板，做我第一次、亦都好可能係最後一次嘅舞台劇，而呢套劇竟然咁啱就係有關粵曲，你話係咪一段好奇妙嘅緣份呢？」
毛舜筠因哥哥張國榮求婚被嚇怕
舞台上的合唱錄音，亦勾起毛舜筠與張國榮當年那段刻骨銘心的青澀初戀，兩人相識於麗的電視時代的單元劇，電視台原本安排二人培養螢幕情侶默契，不料張國榮真情流露，牽手、見家長之餘更認真提出結婚。毛舜筠回憶昔日笑言當年追求者眾，起初並未意識到對方英俊，面對突如其來的求婚更只懂慌亂逃避。毛舜筠直言：「呢個過程裡面，佢係好鍾意我嘅。我只知道佢好鍾意我。然後鍾意到有一日，佢會同我講『我哋會唔會有一日結婚？』佢好認真，但當時我年紀太細，我好驚，我唔知道可以做啲咩。」她坦言當年少不更事，若非張國榮步調過於急進，這段年少感情或許會有不一樣的走向。
毛舜筠與張國榮昇華變「麻雀腳」
兩人短暫交往後各奔前程，毛舜筠其後歷經首段婚姻，但時光未曾減損這份情誼，重聚後的二人反而昇華為無話不談的知己與「麻雀腳」。早年兩人在節目中同框回憶當年，張國榮曾指是自己當年急進求婚「嚇走」了毛舜筠，而毛舜筠亦自責當年不懂珍惜；張國榮更語帶感慨表示「如果有結婚可能你已經改變咗我一生」，至今依然令人唏噓動容。