Coffee林芊妤自揭童年阴影 重男轻女被当低能 注定一世做妹仔：要服务阿哥拎鞋兼洗嘢
「瑜伽达人」林芊妤（Coffee）于2018年与圈外人翟志荣结婚，并诞下大仔翟德彦（彦彦）及细女翟允儿后，一直努力兼顾家庭与事业，不但荣升百万YouTuber，成为香港最吸金的KOL，更创立自家品牌，她曾透露创立品牌以来已投资累近8位数字。近日林芊妤接受方健仪的YouTube节目《女人方言》的访问，林芊妤的幸福背后，她坦言：「其实我成个小朋友嘅时期已经系好苦，由细到大都读唔到书，屋企人觉得我系低能，觉得我冇得救，搞到我畀咗好多标签自己。」
林芊妤出身于一个重男轻女的福建家庭
林芊妤出身于一个重男轻女的福建家庭，一家人住在百几呎的单位：「我哋屋企唔系有钱屋企，由细到大都系福建人嘅家庭长大啦，屋企系好重男轻女，所以我由细到大都系一个妹仔。所以入到去 TVB 嘅时候，我其实都好习惯性将自己睇到好低。𠮶阵好容易陷咗一种我唔想去擦鞋，因为我唔想畀人觉得我擦鞋，所以我唔会主动同监制讲讲嘢，因为一个阶级观令，将自己摆咗喺下面，然后唔肯去接触上面嘅人，就会有呢种自卑，觉得我永远都系喺在下面。」
林芊妤从小被屋企人觉得呢个女蠢
林芊妤出生于福建，家中有一个哥哥，小时候从内地来港生活，一家人曾挤在百多呎的公屋单位中，家中同住的还有祖父母和姑姐，在访问上，林芊妤说：「我唔知道系咪因为我爸爸妈妈都细细个好忙，所以变咗佢哋，我哋两兄妹出世嘅时候，其实佢唔系好识教我哋，或者我真系唔开窍，总之我爸爸用藤条去逼我读书𠮶个方法，我就接受唔到囉。我二年班已经留班喇，我全级考最尾。我真系记唔到任何嘢入脑，然后我爸爸又放弃我，即系同我妈讲：『算啦，呢个冇得救㗎喇。』」由佢啦咁样，咁就到后尾就变咗佢哋冇再逼我喇。但我由细到大我屋企人都觉得呢个女好蠢㗎喇，即系唔得㗎喇佢，佢系冇乜脑㗎喇，佢第时呢，就要嫁人啦，即系做、做普通嘢，佢做唔到大事。但系我细细个就知道自己嘅地位，惯性知道我要服务我哥哥，帮佢洗嘢，拎鞋，」
林芊妤自认系人哋所说妹仔命
林芊妤续说：「所以到我呢一刻，好多人会觉得你而家又赚到钱，有自己嘅事业，应该系过住好舒服嘅生活，但系我就系人哋所讲嘅『妹仔命』， 我系觉得唔得，我一定要执，我一定要整，系停唔到落嚟。喺未有我小朋友之前嘅人生呢，我觉得系迷惘嘅，因为我自己会觉得我做咗人哋嘅女啦，我以为冇一种爱系可以超越自己对爸爸妈妈𠮶种，但系到直到有咗自己小朋友，你发现原来有一种爱系超越埋自己，即系你会觉得，只要佢 OK，我就 OK，我可以牺牲我所有嘢去满足佢，呢一种嘅母爱系我以前未曾接触过，而呢个成为咗我嘅动力。」林芊妤回想在TVB工作期间，几乎个个星期都要睇医生：「成日都都会伤风感冒，有时胃炎、胃出血，最大问题系失眠，我差唔多晚晚都瞓唔觉，瞓得到觉就系好忙嘅时候，但系冇时间瞓，真系可以休息，即系放假嘅时候，又会担心自己冇价值，系咪做得唔够好，成日怀疑自己，变咗一路咁落去嘅时候，我嘅身体就变得越嚟越差。」
林芊妤入行多年有过不少负面闻新闻
林芊妤入行多年有过不少负面闻新闻，她表示最大问题是因为当时太年轻：「好多嘢我都唔识处理，或者会听咗身边嘅人讲。我好容易受身边嘅人影响。咁到真系件事发生咗，然后又有好多我唔知道应唔应该信嘅声音出现嘅时候，我就好乱喇。跟住我好急嘅时候，我就不停咁做错所有嘅决定。其实，到而家呢一刻我谂返，如果系而家嘅我，我会去点样处理，呢件事根本上冇可能会去到咁大件事。因为我呢件事上面，我冇怪过任何人，我怪嘅系怪我自己蠢，怪我自己唔识处理，怪我自己𠮶阵时唔识去 handle 呢件事。而唔系去怪人地点样去对我囉。𠮶阵时嚟讲，其实我觉得呢个经历系必须要有，我人生需要面对嘅教训，我面对咗之后，我就可以更加成熟去行我之后嘅路。」
林芊妤因老公醉酒跪地变港女
林芊妤与老公结婚前，二人在兰桂坊饮酒期间，林芊妤曾埋怨男友喝了太多酒，两人发生口角，她气得想自行离开，男友突然情绪激动、双手合十并单膝跪地求她原谅，结果成件事被闹上新闻，事隔多年，林芊妤说：「𠮶阵时我同我老公啱啱一齐，有一次我同佢同埋佢啲朋友去酒吧饮嘢。𠮶阵时我而家嘅老公饮多咗，佢有个鬼佬朋友，但系其实系佢嘅好朋友，我哋就倾偈，我哋冇任何肢体接触，亦都冇任何嘢，佢就突然之间 jealous 㖞，你得啦，去倾啦！跟住我喺隔离不停讲呢啲。我觉得我想走啦，咁我就喺中环就离开咗，跟住佢追出嚟，跟住佢唔俾我走，佢拉住我。突然之间呢，跟住我就话：「你可唔好喺条街度咁样？」因为𠮶阵时仲有好多狗仔队啊，我唔想无啦啦俾人摆上去，拎𠮶一千蚊然后就摆我上新闻，你明唔明啊？跟住我就同佢讲：「我求下你啦，你可唔可以起身啊，我求下你啦！」跟住佢一直只单脚跪喺地下度，佢只单脚跪咗喺度，真系俾人影到。𠮶阵时杂志封面讲我「港女」，Coffee 就系一个贪慕虚荣、又港女、又公主癌、又不可理喻嘅一个女人咁样，但系你听返呢件事，你都知，其实唔理发生一件咩事，佢哋都会将呢个人设摆返喺我度囉。」