何超儀遭華星炒魷陷低谷 阿媽藍瓊瓔勸為何家唔好再獻醜 深得賭王疼錫曾公開叫唔好做雞
何超儀常常被稱為賭王何鴻燊「最叛逆千金」，賭王一生娶了四位妻妾，四房共為他誕下17名子女，何鴻燊的仔女個都學歷顯赫，惟獨何超儀偏偏不愛讀書，沒有讀過大學，亦未有選擇與其他兄弟姐妹般做生意、成為社交名媛，反而選擇不靠家族庇蔭，以歌手及演員身份進入娛樂圈。
日前何超儀與陳子聰接受鄭裕玲的YouTube節目《The Do Show》，重提當年入行經過，何超儀坦言被華星唱片解僱感失落，令人生陷入低潮，何超儀稱當時經理人陳家瑛要求用最好的團隊為她拍攝 MV，但華星唱片老闆「覺得佢貴」，認為她只不是剛拿新人獎，而且唱片銷量只有萬多張，覺得投資成本太貴，最終決定與她解約。解約後，何超儀面臨長達兩年沒有工作的低潮.，當時她的母親藍瓊瓔勸她退出娛樂圈，甚至直言：「你唔好再獻醜，唔好再丟人現眼」。
何超儀在華星時期曾推出專輯《何家淑女》，專輯名稱帶有反諷與自我嘲諷意味，展現出她叛逆、獨立的強烈個人風格，並憑此獲得多個新人獎項。可惜唱歌事業剛起步，便遭到華星解僱，何超儀坦言當刻心情勁失落：「失落度喺度係咪應該返去美國呀、英國嗰啲讀書呢？連我阿媽都捉我傾偈，叫我為何家唔好再獻醜啦，不如去讀書，以後匿埋啦。我話唔得，咁跟住後尾我就兩年無工作，反而識咗啲喺個海嗰度玩wakeboard嘅friend，原來喺個海度真係好free嘅感覺，同埋無晒嗰啲包袱。咁我就玩咗兩年滑水。我都冇即刻去搵邊間公司，因為你知好𤓓，俾一間公司炒咗，間間都唔睬你嘛，咁我就淨係玩滑水，結果有一日收到電話。係我媽咪個朋友，佢話『我可唔可以約你食餐飯，我個角色想pitch俾你演』，我即刻呆咗，佢話『你會唔會介意呀，好污糟邋遢㗎』，我直頭嘔飯應啦！嗰陣係好失落，好迷失，成個人全部錯晒。」何超儀稱當時陳子聰都有勸自己：「佢叫我唔使年年都做嘢嘅。」
何超儀是二房藍瓊纓的幼女，與大家姐何超瓊、二姐何超鳳和三姐何超蕸的關係很好，何超儀從小很崇拜何超瓊：「我覺得佢待人處事好叻，就算做生意兩邊嗌交，佢都搵到個平衡點，做到帶來雙贏局面，我好欣賞佢做到呢啲嘢。因為我冇讀過大學，一早就讀社會大學，我好仰慕佢嘅處事方式，覺得佢好大膽、有幹勁，我就成日都好驚，好多嘢都唔敢講。」何超儀在節目上亦有提及外界多年來對她的誤解：「我以前做咗好多年artist呢，都幾陰功嘅。我出親嚟sell唱片又好，sell電影又好，一出event都好，啲報紙呢就唔會寫何超、唔會寫何超儀，亦唔會寫Josie Ho。就係賭王何鴻燊千金何超儀，仲要係幼女，個名係無人記得，我哋太多兄弟姊妹啦，咁大家就分唔出係邊位。所以而家呢，我都會叫我何超，咁就會分得出啲。自從我爸爸逝世之後呢，啲人都嗌返我名，我係佢個女唔緊要，但我希望大家當時尊重我啦，我都有個名㗎嘛。唔使七個字嘅，而家好多啦，真係用我名啦。」
何鴻燊叫何超儀「可唔可以唔好再做雞」
談到爸爸何鴻燊，他曾指何超儀是最疼愛的一個，因何超儀跟年輕時的自己十分相似，所以對她特別疼愛，所以何鴻燊一直支持女兒發展演藝事業。何超儀曾接拍多部突破尺度的電影，在2003年的港產片《豪情》中飾演妓女「趙啷啷」，並奪得香港電影金像獎最佳女配角，其後在 2016 年再度接拍新加坡導演邱金海的情色電影《無限春光27》，再次挑戰妓女角色。當時何鴻燊得知女兒再次接拍這類角色時，曾開玩笑地對她說：「你唔係呀？你又做雞？可唔可以唔好再做雞？」何超儀幽默且堅定地回答父親：「我得做雞才可以，呢次唔係普通嘅雞，係最有代表性、超有意義嘅雞。」