何超仪遭华星炒鱿陷低谷 阿妈蓝琼璎劝为何家唔好再献丑 深得赌王疼锡曾公开叫唔好做鸡
何超仪常常被称为赌王何鸿燊「最叛逆千金」，赌王一生娶了四位妻妾，四房共为他诞下17名子女，何鸿燊的仔女个都学历显赫，惟独何超仪偏偏不爱读书，没有读过大学，亦未有选择与其他兄弟姐妹般做生意、成为社交名媛，反而选择不靠家族庇荫，以歌手及演员身份进入娱乐圈。
日前何超仪与陈子聪接受郑裕玲的YouTube节目《The Do Show》，重提当年入行经过，何超仪坦言被华星唱片解雇感失落，令人生陷入低潮，何超仪称当时经理人陈家瑛要求用最好的团队为她拍摄 MV，但华星唱片老板「觉得佢贵」，认为她只不是刚拿新人奖，而且唱片销量只有万多张，觉得投资成本太贵，最终决定与她解约。解约后，何超仪面临长达两年没有工作的低潮.，当时她的母亲蓝琼璎劝她退出娱乐圈，甚至直言：「你唔好再献丑，唔好再丢人现眼」。
何超仪在华星时期曾推出专辑《何家淑女》，专辑名称带有反讽与自我嘲讽意味，展现出她叛逆、独立的强烈个人风格，并凭此获得多个新人奖项。可惜唱歌事业刚起步，便遭到华星解雇，何超仪坦言当刻心情劲失落：「失落度喺度系咪应该返去美国呀、英国𠮶啲读书呢？连我阿妈都捉我倾偈，叫我为何家唔好再献丑啦，不如去读书，以后匿埋啦。我话唔得，咁跟住后尾我就两年无工作，反而识咗啲喺个海𠮶度玩wakeboard嘅friend，原来喺个海度真系好free嘅感觉，同埋无晒𠮶啲包袱。咁我就玩咗两年滑水。我都冇即刻去揾边间公司，因为你知好𤓓，俾一间公司炒咗，间间都唔睬你嘛，咁我就净系玩滑水，结果有一日收到电话。系我妈咪个朋友，佢话『我可唔可以约你食餐饭，我个角色想pitch俾你演』，我即刻呆咗，佢话『你会唔会介意呀，好污糟邋遢㗎』，我直头呕饭应啦！𠮶阵系好失落，好迷失，成个人全部错晒。」何超仪称当时陈子聪都有劝自己：「佢叫我唔使年年都做嘢嘅。」
何超仪是二房蓝琼缨的幼女，与大家姐何超琼、二姐何超凤和三姐何超蕸的关系很好，何超仪从小很崇拜何超琼：「我觉得佢待人处事好叻，就算做生意两边嗌交，佢都揾到个平衡点，做到带来双赢局面，我好欣赏佢做到呢啲嘢。因为我冇读过大学，一早就读社会大学，我好仰慕佢嘅处事方式，觉得佢好大胆、有干劲，我就成日都好惊，好多嘢都唔敢讲。」何超仪在节目上亦有提及外界多年来对她的误解：「我以前做咗好多年artist呢，都几阴功嘅。我出亲嚟sell唱片又好，sell电影又好，一出event都好，啲报纸呢就唔会写何超、唔会写何超仪，亦唔会写Josie Ho。就系赌王何鸿燊千金何超仪，仲要系幼女，个名系无人记得，我哋太多兄弟姊妹啦，咁大家就分唔出系边位。所以而家呢，我都会叫我何超，咁就会分得出啲。自从我爸爸逝世之后呢，啲人都嗌返我名，我系佢个女唔紧要，但我希望大家当时尊重我啦，我都有个名㗎嘛。唔使七个字嘅，而家好多啦，真系用我名啦。」
何鸿燊叫何超仪「可唔可以唔好再做鸡」
谈到爸爸何鸿燊，他曾指何超仪是最疼爱的一个，因何超仪跟年轻时的自己十分相似，所以对她特别疼爱，所以何鸿燊一直支持女儿发展演艺事业。何超仪曾接拍多部突破尺度的电影，在2003年的港产片《豪情》中饰演妓女「赵啷啷」，并夺得香港电影金像奖最佳女配角，其后在 2016 年再度接拍新加坡导演邱金海的情色电影《无限春光27》，再次挑战妓女角色。当时何鸿燊得知女儿再次接拍这类角色时，曾开玩笑地对她说：「你唔系呀？你又做鸡？可唔可以唔好再做鸡？」何超仪幽默且坚定地回答父亲：「我得做鸡才可以，呢次唔系普通嘅鸡，系最有代表性、超有意义嘅鸡。」