五索罕爆身世 出身草根立志變有錢人 被物質蒙蔽戀富二代奉子成婚：我大住個肚畢業
「五索」鍾睿心（Rachel）自去年初爆出與大生銀行主席馬清鏗發展婚外情後一夜成名，之後不時分享與馬清鏗子女的合照，高調放閃。五索近日接受《緬甸堂》筆華棋訪問，毫無保留地大爆自己出身草根，以及與前夫的婚姻。她更坦承很早已定下要改善生活、成為有錢人的目標，大方承認自己極度拜金。
五索出身草根家庭
五索自揭並非含住金鎖匙出世，兒時直到18歲一直住在大埔街市的唐樓。由於當時生活環境惡劣，加上自小捱過苦，因而直接影響了她的金錢觀。五索在節目中透露，自己於客家人家庭長大，在圍村的傳統觀念中，非常看重「男丁」繼承家產。由於五索與姐姐都是女兒，雖然父母對她們非常愛惜，但五索坦言有無形壓力：「我係有少少……對自己身份好唔認同。因為如果（生出來）唔係仔呢，喺嗰個圍村度係一件好唔開心嘅事。」五索表示兒時故意剪短頭髮，當作是一種心理補償。
五索缺乏安全感鍾情奢侈品
五索指出，正因為童年成長比較缺乏安全感，所以長大後鍾意跑車、奢侈品、遊艇和總統套房：「可能受到嗰啲文化影響。我爸爸以前打兩份工去養我哋，所以我好少見到佢，但佢每次見我都會好錫我。而我媽咪後尾因為屋企經濟環境真係太差，最後都要放低全職媽媽嘅身份，出去打幾份工養家。所以我嘅童年，到而家都會發惡夢，成日覺得唔係好似一家人一齊咁樣。」
五索大學時因「波子」奉子成婚
為了盡快改善生活，擁有大學學歷的五索，直言不諱早已定下「做有錢人」的目標。大學時期，她認識了富二代前夫並奉子成婚：「我好膚淺，嗰陣時讀緊 CityU，個個同學都好有錢，佢（前夫）嗰陣時就揸住架跑車嚟。嗰架跑車仲要係我鍾意嘅 911 嗰啲波子（保時捷），總之係比較 special（特別）嘅版本，我唔係好記得喇。就因為嗰一下，我覺得佢好勁。」
被前夫駕駛保時捷所吸引後，五索坦言當時雖然喜歡對方，但主要還是被物質蒙蔽：「我覺得住獨立屋、揸波子，加上佢好似對你好好，後尾有咗小朋友，就順理成章結婚。但結完之後，就發覺好唔啱，因為結得太快。」五索當時在臨近畢業時發現懷孕：「24歲，我大住個肚上台畢業。」
五索婚姻僅維持數月 大仔隨前夫生活
婚後，五索才發現與前夫在面對家庭時有許多分歧：「已經唔係兩個小朋友喺度拍拖，中間覺得『原來婚姻就係咁樣』，一路都相處得唔好（not on good terms）。我就喺度諗，我人生係咪要咁樣過一世？雖然所謂做少奶奶，但後尾我都唔想。」
由於結婚僅數個月，一度令五索擔心離婚會被外人看不起，導致關係拖拖拉拉。最終在兒子出生幾個月後，二人正式分開。大仔 8 歲起隨前夫生活，分開後母子關係反而比以前更好。