黎燕珊自認四十八孝媽媽苦盡甘來 拒絕孤獨終老決要尋找人生價值 與未婚夫鬧意見仔女反應超意外
首屆亞洲小姐冠軍黎燕珊日前宣布再婚，在一對子女「舉腳贊成」下，將於明年與男友結婚，這段黃昏戀修成正果，甜蜜迎接人生第二春。黎燕珊曾表示離婚對她傷痛很大，雖然一直也有不少追求者，當中不乏事業有成的好男人，但她礙於當時一對仔女年紀尚小，擔心仔女不能接受新爸爸，所以年多年來獨力撫養一對子女，直到仔女已經長大，黎燕珊亦決定放開心扉，在今年情人節大方認愛，不時偕同新歡Joseph Cheng高調出席與圈中好友的聚會，大晒甜蜜。
黎燕珊自認四十八孝媽媽
近日黎燕珊為TVB節目《流行都市》擔任嘉賓，雖然她近年在劇中飾演壞媽媽，但在現實中，黎燕珊是廿四孝媽媽：「我唔覺得我自己不單止二十四，我係四十八孝呀！真係！我因為我係一個媽咪，又係一個 daddy 啦，所以所有嘢都係你嘅啦。我自從知道自己要行呢條路，單親媽咪之後呢，我就每一樣嘢都要好紮根、好努力。」
黎燕珊教仔女做任何事都要諗後果
亞姐出身黎燕珊當時受亞視力捧，不過在1992年與劉永結婚並淡出演藝圈，婚後育有一子一女，本來一家生活得很開心，但在2000年兩夫妻關係嚴重決裂，黎燕珊提出離婚申請，並向高等法院申請禁制令，禁止劉永接觸自己及子女。雖然劉永其後曾在媒體前落淚並向她表示悔意，但兩人終在2004年正式離婚。在節目上，黎燕珊坦言當時很徬徨：「我記得最差嘅時候係唔知點算，我成日諗，我點樣可以養大佢哋呢？我點樣可以帶住，因為我自己一個就簡單，但係帶住兩個小朋友就一定都唔係簡單。我喺學前教育唔係好點樣識得去教佢哋，但係我喺人生嘅道理上面，做好自己，身教好緊要。我會教佢哋係做任何嘢都要諗後果啦，同埋要有責任，一定要做好自己。我係有底線嘅，佢哋幾個底線呢，都好乖，冇做到，好似我話我唔鍾意你哋揸電單車啦、唔准食煙、唔准紋身，呢啲佢哋都冇做，佢哋係好錫媽咪。」
黎燕珊要有返自己人生價值觀
黎燕珊的女兒已婚兼誕下女兒，三代同堂的黎燕珊被問是否有孫萬事足？她笑說：「我唔使日日去湊嘅，間唔中去玩吓、照顧吓。譬如佢哋可能屋企停電，就走過嚟，近期有一次最難忘就係，我孫女返學喇，返N班，佢人生第一次嘛，所以我婆婆一定要帶佢去開學。好多迴響，好開心，我好正能量、好正面，好重要。」不過最令大家感到開心，當然是黎燕珊終於有個伴，而且男友更得到仔女的認可：「其實我冇特別去搵，我覺得呢個係姻緣、緣份，因為大家識咗二十幾年，係一個教友，呢個緣份就好得意呀，喺呢兩年彰顯咗呢件事出嚟，我啲仔女都好支持，冇意見，如果我哋有意見嗰陣，仲成日『爭』佢添。我阿珊姐從來都要覺得女人一定要靚，如果有姻緣要拍拖呢，八十歲都要拍拖，我而家放工㗎喇嘛，啲仔女大晒啦，我要有返自己嘅人生價值觀先得，冇理由自己一個人long time lonely㗎嘛。」
黎燕珊自認「享樂型外婆」
提到女兒及外孫女，黎燕珊笑指自己定位是「享樂型外婆」：「又唔使我日日去湊，間唔中去玩下、照顧下。譬如佢哋得閒，或者屋企有咩事，就會走過嚟。」早前黎燕珊陪外孫女開學，她形容這是人生重要時刻：「近期最難忘就係我外孫女返學啦，返N班，佢人生第一次，所以我呢個婆婆一定要帶佢開學。好多回憶，好開心，好正能量，好正面，好開心。」
黎燕珊與劉永離婚逾20年
1985年首屆亞姐冠軍黎燕珊，於1992年嫁給邵氏出身的演員劉永，成為其第二任妻子。黎燕珊為劉永誕下一子一女，但二人於2000年傳出婚變。當時黎燕珊除了提出離婚申請外，更向高等法院申請禁制令，禁止劉永接觸自己及一對子女，最終雙方在2004年正式離婚。黎燕珊於今年情人節公開新戀情，此後不時帶同男友出席圈中友好聚會。