《食神》「杨师傅」陈志成怒轰被周星驰侮辱 食未熄烟头拍足6天仅收500元 尊严受尽践踏当场拒收
周星驰电影《食神》中，在片中大喊「好好味呀」的「杨师傅」陈志成，近日接受《威哥会馆》访问，怒轰当年在片场惨被周星驰「糟质」的侮辱真相。陈志成坦言，在《食神》中拍得最痛苦又不开心的，莫过于被「食神」训话、要「含住烟头企喺角落头」的一幕。陈志成语带愤怒地回忆：「本来有预备假烟头，但NG太多用晒，就叫人点烟食烟，结果有啲仲未熄，就塞落我个口度，你使唔使咁过份呀？拍戏之嘛大佬，唔系杀人，我都唔敢出声，唔敢嗌痛，拍咗十几Take。」
周星驰500元片酬塞未熜烟头落演员口
陈志威与周星驰不欢而散，除了这一幕「口塞烟头」外，其卖命演出5、6日的「回报」，最终负责财务的田启文竟然只递上500元酬劳，陈志成深感尊严受尽践踏，当场拒签：「我话田老板，我拍咁多部戏，一日都唔系呢个价钱啦！佢话当我系工作人员，你咁糟质我唔好话当工作人员啦！500蚊我直情唔会签收，你唔好畀我，你畀剧务拎去买汽水饮晒去，我当冇收过呢个钱。真烟头系咁塞落口度，你话㷫唔㷫？我冇应承你做，我系嚟到现场你话拍我就拍，你唔好当我布景板，我有对白，行规讲对白要畀返足个数，你畀5嚿水我，要我签名，你侮辱紧我呀！」他透露以前客串《五亿探长雷洛传》5组戏都收足2万元，周星驰的500元片酬无疑是极大羞辱。
周星驰拍《食神》忽然换角
事实上，陈志成本身是副导演，跟周星驰的渊源始于1990 年《咖喱辣椒》。其后在《国产凌凌漆》剧组任副导演时，周星驰对他印象深刻，当时第二日开工更热情相认。陈志成忆述当时情景：「佢突然大力拍我膊头︰『大麻成，我记得系你喇！』之后午饭就叫埋我一齐食，唔使食饭盒。」 岂料去到《食神》，周星驰在前一天临时要他顶替八両金演出「杨师傅」一角。
薛家燕原本演出另一个角色
对于周星驰拍戏拍足廿几Take却从不解释要甚么，陈志成直言：「拍足廿几Take，冇讲有咩要改进，就系不停拍，佢要你畀嘢佢，佢都唔知要咩。」 电影甚至连拍完的部分都可以大改，陈志成指出，片中薛家燕原本是饰演庙街算命师傅：「本来家燕姐做算命师傅，大致情节已拍完，系争一啲近镜要补，有日周星驰见到我拍就行开，但未拍完，我要赶住去第二部戏开工，冇跟到尾，最后入戏院睇，先知改由苑琼丹演。」
周星驰亲口指陈志成人工贵
这次的拍摄风波，最后令陈志成与周星驰未有再次合作，除了演员费，周星驰连他的副导演费亦曾嫌贵。陈志成表示：「周生走嚟同我讲过一句说话︰『你收好贵㖞！』我当时收3万5千蚊，唔系好多，我返大陆拍电视剧，收5万元，仲未计有津贴，仲有架车有司机畀我。」 为了保住尊严，陈志成在合约到期后直接离开剧组，现时陈志成早已转行，经常陪伴老婆旅行，过著远离片场压力的安稳生活。