Twins终极加场12月23日 一连六场唱到预祝圣诞 阿Sa都要上网抢飞

Twins将于今年12月18至20日假会展举行《Twins Side by Side Concert》Sidetrack演唱会。消息一出即全城疯抢，一票难求，不少fans都话「㩒到手都软埋都㩒唔到飞」。主办单位日前已经顺应民意加开21及22日两场，不过门票依然极速被扫清。今日主办单位宣布终极加场，加开12月23日一场。由18号唱到23号，一连六场，唱到跟大家预祝圣诞。

阿Sa笑言自己都要上网抢飞

终极加场，阿Sa直言开心又头痕，「我自己都要上网㩒飞呀，你哋真系唔好同我争！我自己都系得十几张，有冇搞错呀！冇咩事我都系部署吓点㩒飞啦。」至于阿娇就话，这次Sidetrack演唱会对她来说是一个全新挑战，「对于我嚟讲全部都系新歌，好有挑战性。」她又笑说：「所有大家熟嘅歌我哋都唔会唱嘅。」阿Sa接着说：「咁又唔系嘅，即系唱得太多吖嘛，系唱得太多𠮶啲唔唱。」