藍朋友旅朋友丨岑麗香壓力大到耳背皮膚潰爛 曾患社恐驚與人接觸急返加國相睇避世
王祖藍主持的無綫節目《藍朋友·旅朋友 溫哥華篇》今晚（9月29日）播出《溫哥華篇》壓軸一集。今次王祖藍與太太李亞男專程前往溫哥華 Playland 遊樂場，相約前華姐冠軍岑麗香重聚。岑麗香透露該遊樂場是她第一份兼職所在地，當年父母原本屬意她投身安穩的政府工，但她因「貪玩」又怕沉悶的打字工作，毅然參選華姐，自此踏入香港娛樂圈。岑麗香還帶二人走訪了與老公強強相睇定情的地方Grouse Mountain。
岑麗香入行超負荷患社恐兼耳背潰爛
岑麗香向來以「甜美系」見稱，但原來甜美背後，岑麗香曾面對難以想像的高壓生活。由於中文及廣東話底子欠佳，她往往需要花費比常人多數倍的時間翻譯劇本及反覆死背。王祖藍在節目中透露，當年曾親眼目睹岑麗香因工作嚴重「超負荷」而耳背皮膚潰爛，岑麗香更坦言曾因人際問題困擾，一度萌生社交恐懼症：「好驚同人接觸，有時攰會驚打招呼唔夠友善，人哋會覺得我好衰格。」
岑麗香在2010年奪得華姐冠軍後加入TVB，入行後火速後備受力捧，擔演了不少劇集的女主角，深受觀眾與網民喜愛，成為宅男女神。成名後岑麗香要承受來自四方八面的壓力，單是廣東話不好，已令她要比其他藝人付出更多時間和努力，包括在家翻譯對白及不斷背誦，王祖藍坦言曾目睹岑麗香因Overload，耳仔背後皮膚嚴重潰爛，岑麗香亦坦言當時壓力爆煲，除了工作，還有人事問題：「不斷要output，你嘅deadline、你嘅稿、你嘅通告，一定要到（位），除咗皮膚唔好，我開始好驚同人接觸。」岑麗香續說：「係社恐，因為有時我攰會驚Hi得唔夠Friendly，人哋會覺得我好衰格。」最後因連接的壓力及內耗，岑麗香定飛返溫哥華Dating「減壓」：「我即刻飛返加拿大，我要我啲朋友幫我set up dating！」亦因為相睇這個決定，令她遇上了老公強強。
王祖藍踢爆岑麗香第一次見完強強後即墮入愛河，談到強強，忍不住留下感觸又開心的眼淚：「佢真係就晒我，佢其實都幾錫我，但我有時真係會忘記。其實佢個人唔係啲咩好浪漫嘅人，佢唔識氹人，你要講一句氹嘅說話，佢好辛苦好似…但係每一日細細嘅行為已做咗畀你。」岑麗香在節目亦有透露當年求婚的過程有多曲折和盞鬼：「有一日佢Plan咗返嚟呢個山，又係去嗰間餐廳喎，當時我自己都覺得係咪（求婚）呢，咁就開始一路食一路Expect…點知跟住食完就走喇喎，轉場時佢話要經過阿媽屋企：『我媽好似買咗啲急凍嘢，要我即刻攞』，又話要幫手帶嘢去Church，去到Church，佢叫我入埋嚟，入到去原來係擺晒氣球同好靚嘅燈，仲有音樂。」岑麗香於2016年與老公強強結婚，婚後生了兩個仔仔，往後岑麗香減少了幕前演出，主力照顧家庭，直到近年間中復出拍劇。