前新闻王子陈书君剖白14年前出柜创伤 曾遭母以死相逼 坚拒骗婚：呃女仔先系无良心
前有线新闻首席男主播陈书君（Vincent）在2026年5月宣布正式离职，结束长达8年的新闻主播生涯。回复自由身的陈书君曾表示：「终于是彻底自由了，我要去过真正宽广的人生。」昨日（26日）陈书君在自家YouTube频道罕有拍片讲家事，陈书君在今年年初与同性密友Steven修成正果，二人将开展人生新一页，但原来甜蜜背后，承载住一段极其沉重、甚至带点创伤的家庭回忆。
陈书君首度公开隐藏多年经历
陈书君首度公开自己隐藏多年的私人经历，剖白自己14年前面对父母「出柜」的痛苦挣扎。他坦言当年因「唔想再扮唔系自己」而决定向家人剖白，可惜不单得不到支持，母子关系更面临崩溃：「妈咪发晒癫咁，情绪十分激动，讲咗啲好难听嘅说话。当然，我都讲咗啲难听嘅说话，因为佢闹我，闹到系『你不如死咗去算啦』。」妈咪更曾激动得一度以「跳桥」威胁，而这个死结至今依然未解开。
陈书君称中秋节承载一段极其沉重回忆
在片中，陈书君一脸凝重地表示本来中秋节是人月两团圆、一家齐齐整整食饭的开心日子。不过，对他而言中秋节却承载住一段极其沉重、甚至带点创伤的家庭回忆：「每一年过中秋，我都会谂返起𠮶阵发生嘅事。呢件事其实我以前喺social media都有讲过，不过已经系几年前嘅事了。因为当时都仲系做紧主播啦，身边嘅同事都觉得呢啲嘢都唔好攞出嚟讲，费事有啲人借此大造文章，所以𠮶个post出咗10分钟已经delete咗。咁而家我自由身啦，我都觉得不妨同大家分享一下自己嘅一啲谂法、体会，或者我嘅更多私人领域嘅事啦。」
陈书君称在2010年第一次拍拖，虽然当时只有10多岁，但已经清楚自己的性取向，只是未有向家人提及，亦未有想过他们会「咁快知道」：「咁多年爸爸同我、妈咪嘅关系都唔好，反而我同我妈咪关系就特别好，所以一直都系我同妈咪倾偈或者讲嘢交流会比较多啲，感情都真系好好。有一排就好奇怪，无论我着咩衫、孭个咩袋，我屋企人都会话『点解你今日着成咁嘅？』、『点解孭个咁嘅袋？』后来我有啲亲戚同我讲话『你父母应该已经知道咗你啲事。』唔怪得喇，所以从𠮶一刻开始，我就知原来佢哋系知情嘅，但系我哋冇摊开嚟讲，因为我觉得时机未成熟，同埋好明显地系唔接受。」
陈书君拒绝做违背良心的事
直到2012年，陈书君和爸爸因为一些生活琐事（如无熄灯、电视开太耐）而爆发激烈冲突。当时在宿舍居住的陈书君与爸爸用短讯闹交，再加上母子之间产生了隔膜，结果一时冲动下决定用短讯向妈咪坦白，直言「唔想再扮唔系自己」：「结果就系冇向好嘅方向发展，情况非常之差。妈咪发晒茅、发晒癫咁啦，讲咗啲好难听嘅说话。当然，我都讲咗啲难听嘅说话，因为佢闹我，闹到系『不如死咗去算啦』。因为我以前屋企附近有一条铁路桥，佢就系威胁话佢要去跳，我相信佢真系可能会去。因为我好细个嘅时候，佢试过一晚落大雨，同我爸爸嗌交之后，真系带我出去话要跳楼，虽然冇真系跳，但我好记得𠮶个场景。所以我相信佢可能会真系去做。当时我嘅谂法系，你话我不孝，话我点都好，我无可能做一件违背我良心嘅事，或者违背我个人喜好，违背我个人嘅自主，尊重自己嘅权利。我也无可能做啲咁冇良心嘅事，就系去呃一个女仔，呃两个家庭，只为咗去fulfill你哋对我嘅所谓期望。我觉得呢样嘢系我绝对喺良心上、道义上，我都绝对唔会做嘅。」
陈书君出柜14年与家人至今仍未和好
出柜已经14年的陈书君坦言问题至今仍未解决：「我觉得未必有呢个要去解决，包括我同另一半都系咁样认为、未必一定要得到家人嘅祝福，我觉得唔系真系咁紧要。因为其实你成年之后，你就系自己一个家庭、自己一个独立个体。你基本上已经同你本身嘅原生家庭已经系分离咗。当然关系好系一个bonus啦，唔好都唔紧要，最重要嘅系take care你自己、take care你身边嘅人，身边爱你嘅人，真正接受你系你嘅人，呢啲人反而更加重要。我唔想理会自己嘅屋企人，但系客观上，我真系冇办法做到佢哋所想要我做到嘅事，但我亦都唔可以违背我嘅良心，去做啲唔啱嘅事。我觉得而家已经大个仔，我有能力、有勇气去面对𠮶一段历史、𠮶段过去，我唔知呢段影片出咗去之后，大家会点睇，但我觉得把佢讲出嚟希望或许可以畀一啲朋友，喺决定是否出柜或者作出人生生活选择时，提供一些参考，又或者听完之后，可以自我赋能、自我强大。」