林宝玉米兰时装周被「抄牌」 姚正菁为「标准」size戒口一星期 机场巧遇檀健次近距离追星

林宝玉、姚正菁日前远赴意大利米兰，参加Anteprima时装周活动，二人到埗后更立即到米兰主教座堂（Duomo di Milano）打卡。林宝玉表示近年多参加时装周活动，今年获数个品牌邀请出席活动，更有计划进军时装界：「其实我都系时装周『新人』，嚟紧会制作介绍时装、红地毯礼仪，好多品牌嘅朋友都支持我，所以都发邀请信畀我，但作为经理人梗系要带埋菁菁一齐观摩。」

林宝玉为姚正菁疯狂影相

今次远赴米兰除参加时装周活动外，二人亦身负「重任」，宝玉虽然身穿品牌型格服饰，但系佢一啲都唔锡身，更化身摄影师不停疯狂影相：「因为菁菁嘅新歌派台在即，我要帮佢影好多嘅相做宣传， 所以无时无刻佢都要做我嘅Model，完全冇得放松。今次呢个Trip畀人『抄牌』邀请我拍广告，起初我都以为系揾借口识女仔，加上要赶住睇骚交换完卡片就走，后来佢真系店舖员工，送咗好多小礼物畀我同工作人员，但唔知拍广告系唔系真啦。」

姚正菁感谢林宝玉帮忙圆梦

不过姚正菁反而非常享受「工作模式」，表示参加时装周令自己大开眼界：「我哋旧时边度有呢啲活动参加，80年代净系阿姐𠮶啲级数可以去外国Fashion week 㗎咋，我哋净系可以喺杂志流口水！真系估唔到，几十年之后经理人帮我圆梦。为咗今次米兰之旅，我戒咗口成个星期先著到时装界『标准』size，终于明白我同『瘦』系有几大嘅距离！」一向钟爱「小鲜肉」的姚正菁机场巧遇内地影星檀健次，虽然行程赶急但仍想追星一睹风采，认真疯狂！