女神配對計劃2｜郭珮文首選非舊愛Ice？鄧凱文獻計揀李爾晨：試咗先 求愛者傳私生活混亂
「金牌媒人」Bob林盛斌主持的TVB戀愛真人騷《女神配對計劃2》，五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）已完成「亮燈」挑選心水求愛勇者環節，16位猛男勇者正式誕生！在明晚（27日）播出的一集，女神與求愛勇者將會進入「五角枱」，上演集結聊天、深入了解、競技，既刺激又好玩的全方位淘汰環節！
前度俞鋆瑞竟不是郭珮文首選
5位女神在「五角枱」的造型各具特色，當中除了何沛珈以型格牛仔貼身晚裝造型亮相，阮嘉敏、陳若思、俞可程及郭珮文四位女神均以女人味十足的吊帶或露肩晚裝造型出場。首輪Welcome Drink部分「飯腳」，令人意外的是，被認為爭奪郭珮文芳心勝券在握的前度俞鋆瑞（Ice）竟不是首選，反而是郭珮文閨密鄧凱文出的妙計： 「覺得可以吓Kyle（李爾晨）先，因為你同Ice出過好多次街，同埋可以睇Ice反應，呢個先係重點。」
陳若思與何沛珈齊齊力Sell郭珮文
對於郭珮文與李爾晨這對新鮮配搭，其他女神似乎極Buy，其中陳若思更直頭扯行紅線玩撮合！事緣，以一身極性感低胸晚裝亮相的郭珮文，與同為I人的李爾晨在五角枱首度碰頭時怕怕醜醜，但仍落力試圖打開話題，不過李爾晨的一句：「你呢幾日點呀？」卻尷到令同枱的陳若思及何沛珈笑爆嘴，陳若思見狀只好試圖為二人加溫： 「我呢個位大飽眼福呀！」結果搞到李爾晨與郭珮文尷尬收場，陳若思再加多兩錢肉緊、與何沛珈齊齊力Sell郭珮文：「祝你搵到係好嘅老婆」、「Juliana幾好架」，令郭珮文數度怕醜抱頭，李爾晨見狀挺身護花：「講呢啲！」雖然李爾晨全程表現怕醜，但還是有單刀直入的時候，其中一句劈頭問郭珮文：「你個前度（Ice）好似都會嚟呀嘛」，絕對給出了極大震撼彈，令郭珮文一度「靜止畫面」。
李爾晨遭網民爆料指私生活混亂
雖然李爾晨在鏡頭前不時表現一臉「怕怕醜醜」，但在節目一播出，李爾晨已經遭到網民爆料指他私生活混亂兼「扮大牌」。有匿名網民指早幾年玩交友App時曾與李爾晨配對成功，因為住得近而認出對方。該網民驚爆李爾晨當時極度自傲，竟向其炫耀「1個月已經食咗3條女」，自爆平時約會模式多是約吃飯喝酒，「有 feel 就做」。網民更直斥他近年頻頻登上同類型的配對節目來「溝女」，雖然一直未能大紅，但私底下「一直都係到玩」，根本並非真心求愛。後來亦有網民控訴李爾晨「扮大牌」，有指在兩年前的平安夜，獲邀到會所玩樂時與李爾晨同坐一桌，但李爾晨只是其中一個「搭單被邀」的明星。豈料李爾晨疑似自當是大明星高人一等，竟找藉口趕走同桌素人，甚至不讓他們喝酒，與同場低調有禮的黃庭鋒形成強烈對比，讓爆料者直呼他「假到死」。李爾晨更曾與現為微辣女神的麥嘉欣（Sofia）拍過拖，可惜因聚少離多兼各自忙事業而分手，有網民提醒郭珮文要睇完節目後先再作判斷。