李佳芯神秘現身《見面即地獄》發布會 首度挑戰舞台劇做女主角 夥何啟華、陳湛文演出怕忍笑

由陳詠燊、張珮華監製，ERROR成員何啟華（Dee）、陳湛文及劉漪琳主演舞台劇《見面即地獄》，昨晚（24日）舉行發布會，李佳芯（Ali）以神秘視后出現，監製陳詠燊、張珮華及編劇龍文康即場揭曉由她擔任女主角。陳詠燊在台上表示戲中要搵搞笑又有節奏感的演員演出，而何啟華和陳湛文乎合以上條件，更形容他們為新一代「最佳拍檔」，便撮合兩人合演這次好兄弟角色。至於李佳芯除了有型之外，還很專業，所以要給她劇本過目。而劉漪琳今次所演的角色面試過20位演員，一看到她演出則認定由她演出。

李佳芯指陳湛文、Dee係前輩

首度挑戰演出舞台劇的李佳芯，笑指同劇演員陳湛文、Dee、劉漪琳也是她的前輩，但沒有一位承認，認為挑戰演出舞台劇會好玩嘅 ，因為從未試過，亦圍讀過一次，自己所演的角色仍修改中，但尋找演繹方法過程中覺得好玩又享受。談到何以接受挑戰演出舞台劇，李佳芯說：「我之前有睇舞台劇，都有好多幻想，如果我站喺台上演嘅時候會點呢？所以一直都想挑戰下，而且覺得所有 project 都係機緣巧合，咁啱湊夠一班咁好嘅人、劇本，就不如做咗呢件事。」

李佳芯自認是新人

雖則在舞台劇界，李佳芯自認是新人，但陳湛文笑言合作一定會充滿火花，又指跟阿Dee曾合作已建立默契，亦想將這份默契感染到其他同劇演員一起進步。談到監製陳詠燊指Dee和陳湛文為新一代「最佳拍檔」，陳湛文笑言無問題，更提議Dee跟ERROR拆伙，可以跟對方組成「Deborah」 。談到陳湛文笑指遇上Dee形容為「ERROR」，他笑說：「佢成個團叫『ERROR』，我嘅人生仲遇到『ERROR』。」在旁的Dee笑指陳湛文在他的隊友相比下太正常。對於跟何啟華、陳湛文和李佳芯合作，劉漪琳大讚有他們坐陣很放心，雖然圍讀時未有被Dee和陳湛文整蠱，但要視乎排戲時候會否擦出火花。談到監製陳詠燊表示試鏡時在20位演員，一看到劉漪琳演出便選定由她演出。劉漪琳坦言很開心，當時試鏡不知有好多人爭取演出此角。她說：「我覺得呢個劇真係好吸引，個角色真係好難得，所以極力想去爭取。事前做咗好多準備，劇組有準備咗一大段關於呢個角色嘅獨白俾我哋去做 casting 嘅時候讀出嚟，其實對我幫助好大。」

李佳芯11月初會投入排練舞台劇

談到演出時可會擔心難以忍笑，陳湛文笑說：「今次好多唔係台詞上嘅笑點，係我哋講完嗰句之後會發生嘅事件或者一個情景，跟住你眼望我眼嗰陣時，我都驚！」李佳芯則笑謂未知能否忍笑，但在舞台上不能叫Cut機，反而到時執生轉化去，但認為有笑點，反而是個highlight 位，亦代表每一場戲都有火花。現正忙於拍攝ViuTV港版劇集《悠長假期》的李佳芯，表示完成拍攝後，11月初會投入排練舞台劇。