「亿万驸马」伍富桥陷零性欲状态 爆老婆梁兆楹怀孕期禁欲真相 揾AI求救：冇晒感觉
「亿万驸马」伍富桥（Alvin）与富贵老婆梁兆楹（Shirley）早前宣布造人成功，下月是儿子「伍梁液」的预产期，这对准父母已经做好心理准备，期待「伍梁液」的来临。伍富桥近日在访问自爆老婆怀孕后，身体竟然出现奇妙变化，甚至陷入「清心寡欲」的零性欲状态，一度吓得要上网向AI求救！
伍富桥清心寡欲失去欲望
在访问中被问到在老婆怀孕期间如何「解决需求」时，他面红地表示：「呢个要剪走佢」，随后却直率地坦白，惊爆自己真的完全失去了那方面的欲望：「我有上网查过，我觉得自己真的清心寡欲，讲真。会唔会系我嘅问题呢？然后我上网问一下AI，佢话原来系正常。我真系冇个感觉。」
伍富桥考取专为孕妇做运动的证书
太太梁兆楹亦笑称老公真的有怀疑过自己：「会唔会其实一直都冇嘅，只不过而家放大咗？」 不过伍富桥续说：「最初都有少少谂会唔会影响BB，当然就会令到𠮶个欲望会下降。但是去到后期，我会谂佢陀住BB好辛苦，呢个系其中一个因素，再加上原来都系有科学实证，原来真系会下降，而且我最近操脚操少咗，操脚系会push up欲望嘅，变咗睾丸素可能比较低，呢个都有关系。」伍富桥又称早前已经考取一个专为孕妇做运动的证书：「除咗进修，本来都有谂过之后对太太系有用，呢个唔系年年搞，咁啱导师喺外国飞过嚟，咪报呢个堂，但我当时系冇plan打算生小朋友，点知考完𠮶个牌之后冇几耐，就有了，但系对佢嚟讲冇乜用，因为佢系剖腹。」
梁兆楹笑称老公在这段期间很黐缠
梁兆楹笑称老公在这段期间很黐缠：「可能佢冇乜朋友，除咗老婆之外，咁我又系佢朋友，所以佢就想跟我分享一下日常做啲乜嘢，好似佢啱啱同我讲佢食咗两个饭团，其实冇人问佢，是但喇，唔紧要，当系Happy Share，两公婆最紧要都系乜都讲一下，如果唔系好难沟通。」梁兆楹目前正计划BB出世那一刻的安排：「到而家我哋都仲喺度争议紧，究竟佢应唔应该入去（产房）。」伍富桥续说：「我系想嘅，到而家呢一刻都系。由最初有啲惊，到而家谂清楚，我觉得我系要入去。因为我见到血会晕，但系系见到自己嘅血，所以我冇试过真系到人哋好多血，我觉得系可以，我想听到佢出世，离开个肚皮，第一下喊，即系佢嘅声音，我想听到呢个声音。可能我自己对声音好敏感，可能我唱歌啦，我会对一些特别的声线或者点样，我会好留意。所以我对声线这些东西都比较，即系我择偶条件其中一样都系有声线，把声一定唔可以难听。」