鄭俊弘首回應被質疑「棄養」罕病兒 有意回流加國定居 一原因比老婆何雁詩更適合陪仔
鄭俊弘（Fred）與富家女老婆何雁詩的4歲兒子鄭讚廷（Asher）確診罕見病「天使綜合症」（Angelman Syndrome）後，他們為兒子的成長與治療費盡心力。早前何雁詩宣布已安排Asher移居加拿大溫哥華，與老公輪流赴加照顧兒子，惹來部分網民狠批「放逐病子」，甚至有網民質疑他們「棄養」。近日鄭俊弘接受容羨媛YouTube頻道「容容Fion親子頻道」訪問時，首度開腔回應事件，表示安排兒子移居加國是為了兒子能得到更專門的治療。鄭俊弘表示：「因為佢個罕見病，喺呢度（加拿大）有多啲嘅醫生同埋治療師，係對呢個病有經驗。真係好感恩，控制到腦癇症，佢以前周不時都暈，所以我哋做父母嘅好擔心。」他表示，溫哥華的BC省兒童醫院現時設有專門的「天使綜合症診所」，這正是他們作出此重大決定的關鍵。
鄭俊弘透露Asher已正式入學
鄭俊弘坦言，為了讓Asher能進入該專門診所，他們一家經歷了漫長的等待。他憶述：「當時都唔知佢會唔會接納阿仔……咁我哋都等咗好耐，排期，咁終於肯見阿仔，咁佢就OK，咁就接納咗佢入呢個Program。」為了這個珍貴的治療機會，鄭俊弘與何雁詩正式展開「太空人」生活，輪流飛往加拿大照顧兒子。他透露Asher自六月起已身處加國，並於九月初正式入讀當地的特殊學校，校內的「All Inclusive（共融）」學習環境，讓Asher能與不同背景的小朋友一同成長，令作為爸爸的他感到十分欣慰。看到兒子順利適應新生活，鄭俊弘笑言：「佢適應得好快。」更笑指兒子上學開心得頭也不回，言談間流露出對兒子的寵溺。
鄭俊弘親解家庭分工：我係自由身
對於網上「棄養」等負面評論，鄭俊弘坦言因身在加拿大，未有留意相關報導，亦不會為此回應。他強調，目前夫妻倆一切以Asher的福祉為先，而兩地分工亦有共識。他亦深明兒子極需要父母陪伴，他解釋：「我盡量多啲時間喺度，因為我而家就自由身，咁就我度期就係同我經理人度期……反而阿詩佢就因為佢係有公司啦，加埋又有亞運，我都同佢講唔使擔心，呢度有我……照顧到阿仔，你請到假即刻飛返嚟，我哋可以一家人一齊。」
鄭俊弘於加拿大出生及成長，他坦言自己未來也不排除回流加拿大：「我諗過再讀書，諗住再……因為我好鍾意音樂，佢（兒子）香港個老師都建議我去讀音樂治療……可以考個資格，喺度做嘢，陪吓佢。」雖然面臨長期的太空人生活考驗，但他為了陪伴兒子，他直言辛苦也不要緊。