梁咏琪周一现身《叱咤乐坛》 与「双面人」世纪碰头 网民等睇梁文礼道歉：会唔会诈病请假

梁咏琪（Gigi）将于今年11月在红馆举行30周年《梁咏琪LOVE GiGi爱自己世界巡回演唱会》香港站，梁咏琪为演唱会的筹备工作进行得如火如荼，宣传活动亦将会展开。梁咏琪周一（21日）将会到商台为《叱咤乐坛》担任嘉宾，想不到节目未开播，已经引来外界关注，当中与主持之一的梁文礼有关。

梁文礼被网民炮轰是「双面人」

梁文礼在2023年曾在Instagram 限时动态大赞梁咏琪红馆演唱会好靓。然而，他随即被网民踢爆在私人的Facebook 帐户内发表完全相反的狠批，直指个唱「flow 差、歌编得差、舞差、当然佢唱得差」，甚至批评演唱会的服饰丑陋，因而被网民炮轰是「双面人」。结果梁文礼被商台处分，暂停主持人职务3个月。今次二人世纪碰头，有网民开PO说：「梁文礼你星期一千祈唔好射波，如果星期一《叱咤乐坛》唔见X礼代表佢扮病，梁咏琪等紧你亲自道歉㗎！」

商台DJ梁文礼被踢爆「双面人」行为

梁咏琪在2023年曾于红馆举行三场演唱会，商台DJ梁文礼被踢爆「双面人」行为，他睇完头场演出后，先在公开的IG分享演唱会的照片并留言大赞梁咏琪好靓，但转头就在个人的FB撰长文狠插演唱会：「个flow差，歌编得差，舞差，当然佢唱得差啦~ 其实都预咗，但系无谂过咁离谱，唱K咁！！连《爱自己》都入唔到呀大佬，我全晚都睇得好猛（忟），坐立不安……唯一想赞嘅系，佢短头发真系好靓好衬佢，身形好，将啲丑嘅衫都carry得好，好似呢件『着上一张抹完鼻血嘅纸巾』咁。」结果惹来网民狂轰，梁文礼更被翻出黑历史，指他过去曾多次批评歌手，其后商台发声明，宣布暂停DJ梁文礼主持职务3个月。事隔3年梁咏琪和梁文礼世纪碰头，有人在Threads开po：「完全系双面人见人讲人话见鬼讲鬼话。」、「唔知佢会唔会觉得尴尬㗎呢？」、「其实真心唔明x礼点可以入行？一味靠痴，成x日读错字又黑人憎，几次出街撞过佢周围啤人，真系以为自己明星？冇人认得你啊！」但亦有人说：「其实佢都系普通人一个，最戆居就系出post讲畀人cap到， 有咩意见私底下讲吓咪算数囉。」、「香港乐坛就系唔容许批评嘅声音，个个变晒盲撑咁先好？」、「小心讲嘢，避免又重罚。」

梁咏琪曾大方表示不要紧

对于被梁文礼狂踩，梁咏琪曾大方表示不要紧：「一套电影，有时都有好同唔好嘅评价，我觉得唔紧要，最紧要我喺当中尽咗最大努力，每一个意见我都会接受，咁的而且确我认为自己仲有好大嘅进步空间，我都会不断去力求进步。」梁咏琪又称未有看过内容：「私底下亦唔系好认识，所以我觉得唔使理会咁多嘢，做好自己本分同眼前嘅工作就够，我觉得唔系好关我事。」梁文礼重返节目《叱吒乐坛》后，在节目一开始公开向梁咏琪道歉，又称自己与梁咏琪私下不相熟，曾透过Vani向对方解释：「佢有6呎高嘅大量，应该比一般人好好多！希望Gigi可以开心，都好好放假。」最后他说：「我哋每日返到嚟商台，喺直播室一开门就见到对联，呢个对联系每日都望到，望完先会入直播室，呢个对联系商台嘅座右铭『话到口中留几句，理从是处让三分』，呢个系何佐芝提醒大班（郑经瀚）凡事留有余地。当大班离开商台后，对联仍然挂喺直播室门口，我觉得我哋一日返嚟做节目又好，又或者喺生活上讲任何一个意见到好，其实都要好好思量呢句对联所讲嘅嘢，先再作出下一步。」其后梁咏琪经理人亦回复梁文礼道歉：「事情就让它告一段落吧！谢谢外界对演唱会的好评，整个团队都很振奋，Gigi也在不断力求进步，大家有目共睹，大家都放低向前行吧！」