周國豐開腔談《中年好聲音5》去留 被轟誠信破產自認評分問心無愧 網民堅嬲：換晒所有評審
TVB歌唱選秀節目《中年好聲音4》三甲誕生後，已宣布將停辦一年。而評審團的評分標準，早前引起外界極大迴響，質疑評分不公，鬧出風波。評審之一的周國豐近日接受YouTube頻道《Orange Elephant》專訪，大方回應外界的質疑，又剖白曾經萌生退意，以及回應《中年好聲音5》的去留問題，亦沒有想過一個娛樂節目有「社會使命」，而節目亦做到，令他感到自豪。
周國豐認為音樂鑑賞好主觀
面對網民排山倒海的「造馬」及「誠信破產」指責，周國豐在專訪中直言第一季時確實壓力非常大，因為當時節目與評判都處於「摸索階段」：「我由第一集開始到依家，我都係提醒自己，就係要認真、要好seriously（嚴肅）去處理每一隻歌，評分又好啦，或者呢個評語。」周國豐捫心自問評分時「沒有呃人」。
對於評分被質疑，周國豐解釋： 「我從來覺得音樂、藝術鑑賞係好主觀，我鍾意唔代表你會鍾意。點解我有機會可以坐上評審呢個席位呢，只係話可能我哋一路接觸音樂，接觸藝術嘅時間比大家長，於是我係用我僅有嘅一啲專業知識，去將我嘅意見帶畀大家。」
周國豐指出電視台因為節目時間關係，經常將評審的評語剪走，導致觀眾無法理解評分的背後原因。但周國豐問心無愧地表示：「我喺四季裏邊每一集、每一首歌，你問我會唔會捫心有愧？我真係唔會！我係會盡力地去將我嘅觀察，透過分數、透過我評語講出嚟。」
周國豐曾被嘲「光頭佬邊個嚟」
周國豐談到網民的抨擊，笑言自己不常看網上留言，但姐姐經常會截圖給他，讓他被逼接收負能量。周國豐更自爆第一季時，因為過往在港台主要負責幕後行政管理，因此幕前知名度不高，結果被網民嘲諷：「呢個光頭佬邊鬼個嚟㗎？」、「你有咩資格呀？你又唔係歌手。」周國豐坦言當時確實感到心灰意冷，甚至有過離開節目的念頭：「我確實有段時間諗過，當好多負面評論嘅時候，譬如『走啦唔做啦』、『咁辛苦』跟住又要畀人話三話四。但嗰時有一啲好勝，『係咩？』、『你哋越係覺得我唔掂，我越要話畀你聽我係掂嘅。』」最終周國豐擔任《中年好聲音》評審長達4季。
網民要求評審班底一個不留
不少觀眾關心《中年好聲音》第五季是否由原班評審留任。周國豐對此不置可否：「我只係可以講呢，係唔知㗎，我唔係呃大家。我真係唔敢確定，係咪會返嚟。」周國豐純粹從一個商業的角色，節目會繼續推出。假如TVB再邀請繼續參與，周國豐樂意留任。但不少網民卻在影片下留言：「走啦，有咁快走咁快」、「暫停中5同埋再做時要換晒D評審是應該的」、「周SIR，你已經做咗4屆，應該唞吓。希望中聲將來把現有的所有評審換走晒，一個也不留」等。