東張西望｜23歲救生員被叫寶寶暈大浪？ 墮靚女姐姐「殺豬盤」 領福利變洗黑錢被呃7萬
TVB節目《東張西望》今日（17日）報道23歲救生員 Peter（化名）遇上網上情緣，原來誤墮投資陷阱「殺豬盤」騙案。Peter合共損失高達69,000元，由於未能取回款項，因此向《東張西望》訴苦，希望公開騙徒的真身與行騙手段，不希望再有下一個受害者。
每日噓寒問暖設局
Peter於半年前在網上認識一位女士，二人加WhatsApp後傾談大約一星期，女方發動溫柔攻勢，每日噓寒問暖，發送「早晨」、「晚安」、「食咗飯未」等暖心問候，甚至甜喊Peter為「寶寶」，而Peter亦回稱對方為「姐姐」。主持朱文慧問到Peter是否因為覺得對方靚女，或者因為受到關心而持續傾談時，Peter坦言：「少少都有嘅，但冇諗過同佢發展。」
誘「玩埋一份」越賭越大
二人聯絡約一星期後，女方聲稱手頭上有澳門「賭場」的網上福利，但礙於自己是內部工作人員不便親自操作，於是要求Peter幫手，登入其賬戶協助領取福利。女方又會每日在對話中指導 Peter投注特定號碼及金額：「咁我就入咗去佢個賬戶度，幫佢領取。日日佢就教我，投注邊個冧巴，落幾多錢投注，次次都有賺冇蝕嘅。」Peter的戒備心徹底瓦解。
借財仔自證清白終被榨乾
在巨大誘惑下，Peter最終決定自己開戶參與，當時平台推出「充5萬返5萬6」等超高回報的福利活動，在著數誘惑下，Peter 越賭越大：「第一次成功提到現金之後，我間中都跟咗她幾次錢入去，一萬一萬咁樣入錢入去。一路去到last day嗰日，我先至諗住提現還返俾佢。結果平台就話我檢測到我有兩筆，總共1萬9千唔係我本人增值，佢話嗰筆錢就列為非法資金來源，咁就要我增值嗰筆錢嘅雙倍資金，證明我個賬戶冇洗黑錢。」
平台又要求Peter必須在一個星期內存入雙倍資金，以證明賬戶沒有洗黑錢，否則賬戶將被凍結，所有利益損失由其自負：「當時都真係信㗎，相信係俾多個筆錢之後，就可以攞得返全數嘅款項。」由於當時已投資40,000元，Peter便到財務公司借28,000元轉交平台。
苦主損失69,000元
Peter從最初相信可以取回款項，到如夢初醒驚覺自己墮入「殺豬盤」陷阱，合共損失69,000元。Peter感到憤怒又不忿心痛：「感受係勒住條氣、好唔忿氣同好心痛，同埋好想搵返佢出嚟，搵佢算帳。」《東張西望》節目組試圖致電騙徒，但電話號碼暫時未能接通。